தவறுகளும், மாற்றங்களும்..

லவித பாடங்கள், அனுபவங்கள், அழுகை, புன்னகை, காதல், நட்பு, உறவு, துரோகம், 'உணர்வு, பிறப்பு, இறப்பு, இழப்பு, புதுப்புது மனிதர்கள், மாற்றங்கள், இயற்கை சீற்றங்கள் என்று பெறும் கற்றலும், கற்பித்தலுமாய் கடந்தது 2024ஆம் ஆண்டு. இவை ஏதும் மாறுவதுமில்லை, நம் யாரையும் மாற்றுவதுமில்லை. மாற்றம் ஒன்றே மாறாதது என்ற ஒற்றை சொல்லை தவிர..

- பிரியங்கா பாஸ்கர், உளவியல் ஆலோசகர்

ஒவ்வொரு புது ஆண்டு தொடக்கத்திலும் ஏதோ ஒரு தீர்மானத்துடன் தொடங்குகிறது நமது புத்தாண்டு, ஓரிரு நாட்களிலேயே இவை மறந்தும், மறுத்தும் விடுகிறது. மீண்டும் பழைய ஓட்டத்துடன் தொடங்குகிறோம். நிழல் உலகை விட்டு எதார்த்தத்திற்குள் வர முடியாமல் தவிக்கிறோம்.

புத்தாண்டு பலன்களை கேட்பதிலே பல மாதங்களை கழிப்பவர்கள் பலர், கடந்து சென்ற ஆண்டின் போராட்டங்களை நினைத்து முடங்குபவர்கள் பலர், விட்டதை பிடிப்பதிலும், தேவையற்றதை துரத்துவதிலும் பலர் இப்படி எதையோ அசை போட்டுக் கொண்டே தொடங்கி முடித்து விடுகிறோம். ஒவ்வொரு புத்தாண்டையும். சிலர் மட்டுமே அவரவர் செயலில் மிக கவனத்துடன் அடுத்த முயற்சியில் ஈடுபடுகின்றனர்.