ഫ്രം ബ്രിട്ടൻ ടു കേരള

ഇംഗ്ലിഷ് സിനിമ ജുറാസിക് വേൾഡ് ഡൊമിനിയനിൽ മെഷീൻ ഗൺ തോളിലേറ്റി പായുന്ന വരദ സേതു ഇനി മലയാളത്തിൽ നായിക

- രാഖി റാസ്

ബ്രിട്ടനിൽ നിന്നൊരു അഭിനേത്രി

ജുറാസിക് വേൾഡ് എന്ന ബ്രിട്ടിഷ് സിനിമയിലെ പ്രകടനമാണ് വരദ സേതു എന്ന മലയാളി പെൺകുട്ടിക്ക് ബ്രിട്ടിഷ് അഭിനയ ലോകത്തും നാട്ടിലും പേര് നേടിക്കൊടുത്തത്. ജയരാജ് സംവിധാനം ചെയ്യുന്ന പ്രമദവനം' എന്ന ചിത്രത്തിലെ നായിക വരദയാണ്.

10 ദിവസത്തെ അവധിക്കു നാട്ടിൽ എത്തിയപ്പോഴാണ് ജയരാജ് സർ മലയാള സിനിമയിലേക്ക് ക്ഷണിക്കുന്നത്. യുകെയിലെ മലയാളി അസോസിയേഷൻ പ്രോഗ്രാമിലാണ് ജയരാജ് സാറിനെ കാണുന്നത്. ആ ഓർമ വച്ചാണ് അദ്ദേഹം പ്രമദവന'ത്തിലേക്ക് വിളിച്ചത്. മാധവിക്കുട്ടിയുടെ ശർക്കര കൊണ്ടു തുലാഭാരം' എന്ന കഥയാണ് സിനിമയാകുന്നത്. ചെറുതിലേ യുകെയിലേക്ക് വന്നതു കൊണ്ട് മലയാളം നന്നായി വായിക്കാൻ അറിയില്ല. അതുകൊണ്ടു മലയാളം ഡയലോഗുകൾ പഠിക്കാൻ നല്ലവണ്ണം ബുദ്ധിമുട്ടി. പക്ഷേ, നന്നായി ചെയ്തു എന്നാണ് വിശ്വാസം.

കുട്ടിക്കാലം