വീടിന് ഇൻഷുറൻസ് വേണ്ടേ ?

വീടും വിട്ടുപകരണങ്ങൾക്കും കവചമായി ഇൻഷുറൻസ് പരിരക്ഷ

- വി.കെ. ആദർശ് ചീഫ് മാനേജർ ടെക്നിക്കൽ, യൂണിയൻ ബാങ്ക് ഓഫ് ഇന്ത്യ

മഴയെ കുറിച്ചുള്ള വാർത്തകളുടെ പേടി ദിവസം തോറും കൂടി വരികയാണ്. ജീവൻ മാത്രമല്ല സ്വത്തും കവരുന്ന മഴപ്പേടിയെ അതിജീവിക്കാൻ വഴിയുണ്ട്. ജീവിത സമ്പാദ്യം സ്വരുക്കൂട്ടി നിക്ഷേപിച്ചാണ് മിക്കവരും വീട് പണിതുയർത്തുന്നത്. അത് കയറിക്കിടക്കാനുള്ള ഇടം മാത്രമല്ല ആസ്തി കൂടിയാണ്. അതിനാൽ വീടിനും വേണം ഇൻഷുറൻസ് പരിരക്ഷ.

നിയമപരമായ അനിവാര്യത ഉള്ളതിനാൽ വാഹനങ്ങൾ ഇൻഷുർ ചെയ്യാറുണ്ട്. കൃത്യമായി പുതുക്കാനും മറക്കില്ല. ഇതുപോലെ തന്നെയാണ് വീടും വീട്ടുപകരണങ്ങളും.