ഏജ് വെറും ടിഷ്യു

ഇനിയും പ്രണയ നായികയാകുമോ? ശ്വേതാ മേനോന്റെ ബോൾഡ് ഉത്തരങ്ങൾ

- വിജീഷ് ഗോപിനാഥ്

അച്ഛന്റെയും അമ്മയുടെയും പേരന്റിങ്ങുമായി താരതമ്യം എത്ര മാർക്ക് കിട്ടും?
ദേവ ചരിത്ര വിദ്യാർഥി, ഗവ. കോളജ്, മടപ്പള്ളി

അവരെ പോലെയാകാൻ എനിക്കു പറ്റിയിട്ടില്ല. പക്ഷേ, അങ്ങനെ ആകാനുള്ള പരിശ്രമങ്ങൾ നടന്നുകൊണ്ടിരിക്കുകയാണ്. ഓരോ ദിവസവും പാഠങ്ങൾ പഠിക്കുന്നു.

കുട്ടികളും മാറി. അന്നത്തെ കാലത്തു സ്വപ്നങ്ങൾ കുറവായിരുന്നു. ഇപ്പോഴത്തെ കുട്ടികളുടെ മോഹങ്ങൾ വലുതാണ്. കുഞ്ഞുവാവയ്ക്കു വരെ വലിയ ആഗ്രഹങ്ങൾ.

മകൾ സബൈന ആറാം ക്ലാസിലാണ്. അമ്മ എന്ന രീതിയിൽ എന്നെയും മകൾ എന്ന രീതിയിൽ അവളെയും മനസ്സിലാക്കാൻ ഞങ്ങൾ രണ്ടാളും ശ്രമിച്ചുകൊണ്ടിരിക്കുന്നു.

കാൽനൂറ്റാണ്ടായി സിനിമയിൽ. സദാ സന്തോഷത്തോടെയും ബോൾഡായും കാണുന്നു. എന്താണു സക്സസ് മന്ത്ര
സിന്ധു നായർ, അധ്യാപിക, എസിഎച്ച്എസ് പൊങ്ങലടി, പത്തനംതിട്ട

ജീവിതത്തിൽ നെഗറ്റീവ് ആയതൊന്നും സിനിമ തന്നിട്ടില്ല. എന്റെ കാഴ്ചപാട് കൃത്യമായിരുന്നു. സ്കൂൾ കാലം മു തൽക്കേ ഇഷ്ടപ്പെടാത്ത എന്തു കാര്യവും തുറന്നു പറയുന്ന ആളാണ് ഞാൻ. ഇന്നും അങ്ങനെയാണ്.