எடப்பாடியிலிருந்து ஒரு ரோபோ!

சினிமாவில் தங்கள் முகம் தெரியாதா என்ற கனவுடன் கோடம்பாக்கம் கதவுகளைத் தட்டுகிறவர்கள் ஏராளம். அதில் சிலர் போராடி ஜெயித்திருக்கிறார்கள். சிலர் 'பேக்' அடித்திருக்கிறார்கள். இதில் முதலாம் வகையைச் சேர்ந்தவர் 'ரோபோ' சந்துரு'. தன்னுடைய சினிமா அனுபவத்தை நம்மிடம் பகிர்ந்து கொண்டார்.

“வாழ்க்கையில் பல மேடு பள்ளங்களைக் கடந்தவன் நான். எனக்கு சொந்த ஊர் எடப்பாடி. படிச்சது கூட்டுறவுத் துறை சம் பந்தமான படிப்பு. சினிமாவில் நடிக்க வேண்டும் என்பது என்னுடைய கனவு. அதுக்காகவே ரெகுலராக ‘ஜிம்' முக்குப் போய் உடம்பை எப்போதும் 'ஜம்' முன்னு வைத்திருப்பேன்.