લવ હોટેલ: એકાંત ઝંખતાં હૈયાંઓનો વિસામો

આપણે હાલ એક અનોખા સ્ટાર્ટ-અપ યુગમાં જીવી રહ્યા છીએ, જ્યાં ઉદ્યમશીલ યુવાનો અને વયસ્કો માણસની દરેક સમસ્યાનું સમાધાન આપતા આઇડિયા પર બિઝનેસ ઊભો કરવાનો, એમાંથી કરોડો-અબજોનો નફો કરવાનો પડકાર ઝીલી રહ્યા છે. જ્યાં સમસ્યાનું સંતોષકારક સમાધાન મળે છે, ત્યાં એક સફળ ધંધાનો પાયો નખાય છે. ભારતના સંદર્ભમાં ‘લવ હોટેલ' આવો જ એક આધુનિક સ્ટાર્ટ-અપ આઇડિયા છે, જે પ્રેમભર્યો સહવાસ ઝંખતાં બે હૈયાંઓને એક આશરો આપે છે. અહીં વાત ફક્ત બિઝનેસની જ નહીં, પ્રેમીઓ પ્રત્યે આપણા સમાજની રૂઢિચુસ્ત વિચારસરણી અને એની સરખામણીમાં ઘણી હદે બદલાઈ ચૂકેલા યુવામાનસની પણ છે. તો ચાલો, ‘લવ હોટેલ’ના પરિસરમાં લટાર મારીએ!