'മ് മ് മ്'; ഐ എം വിജയന്റെ പോസ്റ്റർ പുറത്തുവിട്ട് ബൂട്ടിയ

ഫുട്ബോൾ താരം ഐ എം വിജയന്റെ സിനിമ ജീവിതത്തിൽ നാഴികക്കല്ലാവുമെന്ന് പ്രതീക്ഷിക്കുന്ന മ്... മ്.. മ് ' എന്ന സിനിമയുടെ ഒരു പോസ്റ്റർ കൂടി റിലീസ് ചെയ്തു. അർജുന അവാർഡ് നേടിയ ഇന്ത്യൻ ഫുട്ബോൾ താരവും പത്മശ്രീ ജേതാവുമായ ബൂട്ടിയയാണ് പോസ്റ്റർ പുറത്തുവിട്ടത്.

ചിത്രത്തിന് എല്ലാവിധ ഭാവുകങ്ങളും നേരുന്നതായി അദ്ദേഹം സമൂഹ മാദ്ധ്യമത്തിൽ പങ്കുവച്ച അഭിനന്ദന സന്ദേശത്തിലൂടെ അറിയിച്ചു. ഈ പോസ്റ്റർ റിലീസ് ചെയ്യാനുള്ള ഭാഗ്യം ലഭിച്ചതിൽ അങ്ങേയറ്റം സന്തോഷവും അഭിമാനവും തോന്നുന്നു. എന്റെ പ്രിയപ്പെട്ട സുഹൃത്ത്, ഫുട്ബോൾ ഇതിഹാസം ഐ.എം.വിജയൻ ഭായിയുടെ ഏറ്റവും പുതിയ ചിത്രമാണിത്.