நல்லாசிரியர் விருது

"இந்த இடம்தாங்க அந்தக் குழந்தை வந்து உட்கார்ந்திருந்தது.... இதோ, இந்தத் தோள்ல தான் சாய்ஞ்சு படுத்திருந்துச்சு. அதோட விரல் களைப் பிடிச்சபடி நான் கன்னத்தைத் தட்டிக் கொடுத்துட்டு இருந்தேன்... அப்படியே என் தோள்ல சாய்ஞ்சபடியே உயிர் போயிடுச்சுங்க... இப்போ வரை என்னால நம்ப முடியலை! எதுக்காக என் மேல அந்தக் குழந்தைக்கு அப்படியொரு பாசம்... என்ன கொடுத்தேன் நான்? ஒரு டீச்சரா மூணு வருஷம் நான் அதுகிட்ட அன்பு காட்டினதைத் தவிர வேற எதையும் பெரிசா செய்துடலை... ஆனா, அந்தக் குழந்தை எனக்குக் கொடுத்துட்டுப் போயிருக்கிற மரியாதை, கௌரவம்.. எப்பேர்ப்பட்டது? உலகத் தில் யாருக்காவது இப்படி நடந்திருக்குமா? நடந்ததுனு சொன்னால் கூட நம்ப மாட்டோமே!" மனசை ஆற்ற முடியாமல், குழந்தையைப் போல அரற்றுகிறார் ராஜம்மாள்.

- ரங்கராஜன்

"2007-ம் வருஷம்.. நான் தாம்பரம் கேந்திரிய வித்யாலயா 2 (ஏர்ஃபோர்ஸ் ஸ்டேஷன்) ஸ்கூல்ல பிரைமரி செக்ஷன்ல வேலை பார்த்துட்டிருந்தேன். அங்கே முதல் வகுப்புக்கு எடுக்கிற அதே ஆசிரியைதான் மூணாவது வகுப்பு வரை. அதனால் குழந்தைங்க நல்லா பழகி ஒட்டிக்குவாங்க. என் மாணவி வைபவி விஜயலஷ்மியும் அப்படித்தான்.