ചിത്രമൂലയിലെ വിനോദ സഞ്ചാരം

കോവൂരിലെ തറവാട് വീടായ ചിത്രമൂലയിലെ നാഗവള്ളി മുല്ലയുടെ ചുവട്ടിലിരുന്ന് നാടൻ പാട്ടിന്റെ ഈരടികൾ മൂളുകയാണ് ലോകമലയാളി പ്രേക്ഷകരുടെ ഇഷ്ടതാരമായി മാറിയ വിനോദ് കോവൂർ.

മഴമേഘങ്ങൾ സാക്ഷി

കുട്ടിക്കാലത്തുകണ്ട മഴ എന്നുപറഞ്ഞാൽ അതായിരുന്നു മഴ. എന്റെ വീട് കോഴിക്കോട് മെഡിക്കൽ കോളേജിനടുത്തുള്ള കോവൂരാണ്. കോവൂരിൽ ബസ്സിറങ്ങിയാൽ ഒരു കിലോമീറ്ററിനടുത്ത് വീട്ടിലേക്ക് നടക്കാനുണ്ട്. റോഡിന് രണ്ടുവശത്തും വയലാണ്. മഴക്കാലത്ത് വയലും റോഡുമെല്ലാം വെള്ളത്താൽ മൂടി പുഴപോലെയാകും.