ട്വിൻ മോഡലുകളുമായി മിനി

മിനിയുടെ രണ്ടാമത്തെ ഇലക്ട്രിക് മോഡൽ കൺട്രിമാനും കൂപ്പർ എസിന്റെ പരിഷ്കരിച്ച പതിപ്പും നിരത്തിലേക്ക്

ബിഎംഡബ്ല്യുവിന്റെ ചെറുകാർ വിഭാഗമായ മിനിയുടെ രണ്ടു മോഡലുകളാണ് അവതരിപ്പിച്ചത്. പ്രീമിയം ഹാച്ച്ബാക്കായ കൂപ്പർ എസിന്റെ പുതിയ പതിപ്പും കൺടിമാൻ ഇലക്ട്രിക്കുമാണ് വിപണിയിലെത്തിയിരിക്കുന്നത്. പൂർണമായും ഇറക്കുമതി ചെയ്താണ് വിൽപന. ബുക്കിങ് ആരംഭിച്ചു. സെപ്റ്റംബറോടെ മാത്രമേ ഇരുമോഡലുകളുടെയും വിതരണം ആരംഭിക്കുകയുള്ളൂ.

ന്യൂ മിനി ഓപറേറ്റിങ് സിസ്റ്റം 9, ഇന്റലിജന്റ് പേഴ്സണൽ അസിസ്റ്റന്റ്, ഡിജിറ്റൽ കീപ്ലസ്, എക്സ്പീരിയൻസ് മോഡുകൾ, ടെലിസർവീസുകൾ, ഫിഷ് ഐ ക്യാമറ തുടങ്ങിയ പുതിയ ഫീച്ചറുകൾ ഇരുമോഡലുകളിലും സമാനമാണ്. ക്ലാസിക്, ഫേവേർഡ് ട്രിംസ് എന്നിങ്ങനെ രണ്ടു വ്യത്യസ്ത ലുക്കിൽ ഇരുമോഡലുകളും ലഭ്യമാകും.

കൂപ്പർ എസ്

ഡിസൈനിൽ കാര്യമായ മാറ്റങ്ങളില്ലാതെയാണ് പുതിയ കൂപ്പർ എസ് വരുന്നത്. ക്ലാസിക് റൗണ്ട് ഹെഡ്ലൈറ്റ്സ്, ശ്രദ്ധേ യമായ ഒക്ടഗൺ ഗ്രിൽ, കോംപാക്റ്റ് സിൽ ഹൗട്ട്, 17 ഇഞ്ചിന്റെ ഡ്യൂവൽ ടോൺ അലോയ് വീൽ, ജെസിഡബ്ല്യു ഇൻസ യേഡ് ടെയിൽ ലാംപ് എന്നിവയാണ് പുറം കാഴ്ചയിലെ അലങ്കാരങ്ങൾ.

ഫീച്ചറുകൾ