ആത്മവിശ്വാസത്തോടെ ബിസ്സിനസ്സിന്റെ ഉയരങ്ങളിലേക്ക്...ഡോ. സുമിത നന്ദൻ

എന്റെ അച്ഛൻ മണപ്പുറത്തെ വിജയത്തിൽ നിന്ന് വിജയത്തിലേക്ക് നയിക്കുന്നത് കണ്ടാണ് ഞാൻ വള ർന്നത്, ബിസിനസ്സ് അല്ലാതെ മറ്റൊരു ജോലിയും പിന്തുടരാൻ ഞാൻ ആഗ്രഹിച്ചിരുന്നില്ല

- സുജിത് ചന്ദ്ര കുമാർ

ഡോ സുമിത നന്ദന്റെ വലപ്പാടിനെക്കുറിച്ചുള്ള ആദ്യകാല ഓർമ്മകളിൽ താൻ വളർന്നുവന്ന കാലഘട്ടവും തന്റെ മുത്തച്ഛൻ പരേതനായ വി.സി. പത്മനാഭന്റെ സ്നേഹത്തിന്റെയും വാത്സല്യത്തിന്റെയും പ്രഭയും തിളങ്ങി നിൽക്കുന്നു. താൻ മൂത്ത ആളായതു കൊണ്ടാകാം മുത്തച്ഛന്റെ പ്രിയപ്പെട്ട പേരക്കുട്ടിയായിരുന്നെന്നും, എന്തെങ്കിലും ആഗ്രഹമുണ്ടാകുമ്പോൾ അച്ഛനോട് ആവശ്യപ്പെടുന്നതിനേക്കാൾ മുത്തശ്ശനേയാണ് സമീപിക്കാറെന്ന് ഡോ. സുമിത നന്ദൻ ഓർക്കുന്നു. മണപ്പുറം ഗ്രൂപ്പ് ഓഫ് കമ്പനികളുടെ സ്ഥാപകനായിരുന്ന വി.സി. പത്മനാഭന്റെ വിയോഗവും ഏറ്റവും വേദനിപ്പിക്കുന്ന ഓർമ്മയാണ്. "എല്ലാം വളരെ പെട്ടെന്നായിരുന്നു. എന്താണ് സംഭവിക്കുന്നതെന്ന് കുട്ടികളായ ഞങ്ങൾക്ക് മനസ്സിലാക്കാൻ കഴിഞ്ഞില്ല. ആംബുലൻസ് വരുന്നതും ഞങ്ങളുടെ പ്രിയപ്പെട്ടവരെല്ലാം വിലപിക്കുന്നതും ഞങ്ങൾ കണ്ടു. പിന്നെ, ചടങ്ങുകൾക്കായി എനിക്ക് സ്കൂളിൽ നിന്ന് അവധിയെടുക്കേണ്ടി വന്നു, ഞാൻ അന്ന് മൂന്നാം ക്ളാസിൽ പഠിക്കുകയായിരുന്നു. ആ സങ്കടകരമായ ഓർമ്മ ഡോ. സുമിത നന്ദൻ പങ്കുവയ്ക്കുന്നതിങ്ങനെയാണ്. 1986 ലായിരുന്നു വി.സി. പത്മനാഭന്റെ വിയോഗം. അതേ വർഷം തന്നെ അദ്ദേഹത്തിന്റെ മകൻ വിപി നന്ദകുമാർ വലപ്പാട് ഒറ്റമുറി സ്ഥാപനത്തിൽ പ്രവർത്തിച്ചിരുന്ന സ്വർണ്ണ പണയബിസിനസ്സിന്റെ ചുമതല ഏറ്റെടുത്തു. പിന്നെ സംഭവിച്ചത് കോർപ്പറേറ്റ് ചരിത്രമാണ്. "മണപ്പുറം എന്നത് അക്ഷരാർഥത്തിൽ അച്ഛന്റെ ആദ്യത്തെ കുട്ടിയാണ്. അദ്ദേഹം മണപ്പുറം തിന്നുകയും കുടിക്കുകയും ശ്വസിക്കുകയും ചെയ്യുന്നുവെന്ന് പറഞ്ഞാൽ അത് അതിശയോക്തിയാവില്ല.'

അക്കാലത്ത്, തൃശ്ശൂർ ജില്ലയിലെ ഗ്രാമജീവിതം വളരെ വ്യത്യസ്തമായിരുന്നു, അവർ നിരീക്ഷിക്കുന്നു."ഞായറാഴ്ച വൈകുന്നേരങ്ങളിൽ ഞങ്ങളെ അച്ഛൻ ബീച്ചിൽ കൊണ്ടുപോകുമായിരുന്നു. ഞങ്ങൾ കടൽ ത്തീരത്തിന്റെ ഒരു ഭാഗത്ത് നിന്ന് ഒരു അരുവി സമുദ്രത്തിൽ ചേരുന്ന മറ്റൊരു ഭാഗത്തേക്ക് ഓട്ടമത്സരം നടത്തും, അച്ഛനും ഞങ്ങളോടൊപ്പം ചേരുമായിരുന്നു. തിരികെ വരുമ്പോൾ, ഞങ്ങളുടെ കൂട്ടുകുടുംബത്തിലെ എല്ലാ അംഗങ്ങളേയും ഞങ്ങൾ കാണും. അച്ഛൻ തന്റെ കുടുംബവുമായും ഞങ്ങളുടെ അയൽ ക്കാരുമായും വളരെ വൈകാരികമായി ബന്ധപ്പെട്ടിരിക്കുന്നതിനാൽ അദ്ദേഹം ഞങ്ങളെ എല്ലാവരുമായും ഇടപഴകാൻ പ്രേരിപ്പിക്കുമായിരുന്നു."