മലയാളസിനിമയിലെ പുത്തൻ താരോദയം അഷ്കർ സൗദാൻ

ഞാൻ കന്നഡ, തെലുങ്ക്, തമിഴ് എന്നീ ഭാഷകളിൽ നിരവധി സിനിമകൾ ഒടിടി റിലീസിന് വേണ്ടി മലയാളത്തിൽ ഡബ്ബ് ചെയ്തിട്ടുണ്ട്. അത് വല്ലാത്തൊരു അനുഭവമായിരുന്നു. ആ സമയത്ത് ഷൂ ട്ടിങ് ഒന്നും ഇല്ല. വേറെ വരുമാനമാർഗ്ഗങ്ങളും ഇല്ല. മറ്റ് ജോലികളൊന്നും അറിയുകയുമില്ല. അഭിനയപ്രധാനമായ ഏത് മേഖലയിൽ പ്രവർത്തിക്കു നവരായാലും സിനിമ തന്നെയാണ് എല്ലാവരുടെയും ലക്ഷ്യം. എനിക്കും സിനിമ തന്നെയാണ് ഏറ്റവും പ്രിയപ്പെട്ട മേഖല.

മോഡൽ, ഡബ്ബിങ്ആർട്ടിസ്റ്റ് , സീരിയൽ നടൻ, സിനിമാ നടൻ എന്നിങ്ങനെ വിശേഷണങ്ങൾ ഏറെയാണ് ഈ താരത്തിന്. താരകുടുംബത്തിൽ നിന്ന് മലയാള സിനിമയുടെ നഭസിലേക്ക് താരത്തിളക്കത്തോടെ എത്തിയ അഷ്കർ സൗദാനുമായി യുണീക് ടൈംസ് സബ് എഡിറ്റർ ഷീജ നായർ നടത്തിയ അഭിമുഖം.

യാദൃശ്ചികമായി സിനിമയിലേക്കെത്തപ്പെട്ടതാണോ, അതോ സിനിമയിലേക്കെത്തിച്ചേരാനായി പരിശ്രമിച്ചെത്തിയതാണോ?

 യാദൃശ്ചികമായി സിനിമയിലേക്കെത്തിയതല്ല ഞാൻ. അഭിനയം എന്താണെന്നൊന്നും അറിയില്ലെങ്കിലും അഭിനയിക്കണമെന്ന അദമ്യമായ ആഗ്രഹം ഉണ്ടായിരുന്നു. അതിനായി ചെയ്യേണ്ട കാര്യങ്ങൾ എല്ലാം ചെയ്തിട്ടുണ്ടായിരുന്നു. ഒരു ഫോട്ടോ ഷൂട്ട് നടത്തിയിട്ടുണ്ടായിരുന്നു. വർഷങ്ങൾക്കുമുൻപ് സൂര്യ ടി വിയിൽ ഫാഷൻ ഷോ എന്നൊരു പരിപാടിയിൽ മോഡൽ ആയി. പിന്നെ ഒരു ആൽബം ചെയ്തു. അതേത്തുടർന്ന് കുറച്ചു സീരിയലുകളിൽ അഭിനയിക്കാനവസരം ലഭിച്ചു. കൂടാതെ സിനിമയിൽ ജൂനിയർ ആർട്ടിസ്റ്റാവുകയും ചെറിയ ചെറിയ വേഷങ്ങൾ ചെയ്യുകയും ചെയ്തു. പിന്നീട് വില്ലനായും നായകനായും അഭിനയിച്ചിട്ടുണ്ട്. കുറെ വർഷങ്ങൾക്കുമുൻപ് തമിഴിൽ ജൂനിയർ ആർട്ടിസ്റ്റായി അഭിനയിച്ചിട്ടുണ്ട്. പിന്നീട് പൊട്ട് എന്ന സിനിമയിൽ ഒരു വേഷം ചെയ്യുകയും, സൗക്കാർ പേട്ട എന്ന സിനിമയിൽ വില്ലനായി അഭിനയിക്കുകയും ചെയ്തിട്ടുണ്ട്. അക്കാലത്ത് മഹാരാജാസിൽ പഠിക്കുകയാണെങ്കിൽ സിനിമയിൽ അഭിനയിക്കാൻ അവസരം കിട്ടുമെന്ന് ഒരു തെറ്റിദ്ധാരണയുണ്ടായിരുന്നു. അതിനാൽ ഡിഗ്രി മഹാരാജാസ്സിലാണ് പൂർത്തിയാക്കിയത്. ഒത്തിരി കഷ്ടപ്പെട്ട് സ്വപ്രയത്നത്താലാണ് ഞാൻ സിനിമയിലേക്കെത്തിയത്.

മോഡൽ, ഡബ്ബിങ് ആർട്ടിസ്റ്റ്, സീരിയൽ ആർട്ടിസ്റ്റ്, സിനിമാ നടൻ ഇതിലേതാണ് താങ്കളുടെ പ്രിയപ്പെട്ട മേഖല? എന്തുകൊണ്ട്?