கிணற்றுக்குள் பேய்!

கோடை காலத்தில் சரண் உடல்நிலை பாதிக்கப்பட்டு அவனுக்கு உடல் எடை கூடியது.

- ஓம் பிரகாஷ்

அவன் மெல்லிய உடல் கொண்ட குழந்தையாக இருந்து பெருத்த உடல் கொண்டவனாக மாறிவிட்டான்.

அனைவரும் அவனை மோட்டு ராம் என்று கூப்பிட ஆரம்பித்தனர்.

டாக்டர் அவன் தினமும் மெதுவாக நடைப்பயிற்சி செய்தால் அவன் எடை அதிகமாகவதை தடுக்கலாம் என்று கூறினார். அதன் பிறகு சரண் நடைப்பயிற்சி செய்ய ஆரம்பித்தான்.

ஒரு நாள் இவன் நடைபயிற்சி செய்து கொண்டிருக்கும் போது இவனுக்கு பின்னால் காட்டை நோக்கி வந்து கொண்டிருந்த ஹரிஷ் "ஏய் மோட்டூ, ராம் சிறிது வேகமாக நடந்து செல்" என்று கூறினான்.

"நான் மெதுவாக நடந்து வருகிறேன் நீங்கள் அனைவரும் பிக்னிக் இடத்துக்கு சென்று பாயை விரித்து வைத்து ஏற்பாடு செய்து வையுங்கள். பிறகு வந்து சேர்ந்து கொள்கிறேன்" என்று சரண் கூறினான்.

விடுமுறைக்குப் பிறகு பள்ளி திறந்து மாணவர்கள் பிக்னிக் செல்ல திட்டமிட்டனர் ஒவ்வொருவரும் உணவு மற்றும் ஸ்நாக்ஸ் கொண்டு வந்திருந்தனர்.

சில மாணவர்கள் முன்னரே சென்று பிக்னிக் இடத்தில் பாய்களை விரித்து வைத்தனர். சில மாணவர்கள் பாயில் படுத்துக்கொண்டனர், மற்ற மாணவர்கள் பாடிக்கொண்டும், டான்ஸ் ஆடிக்கொண்டும் காட்டை சுற்றியுள்ள அதிசயங்களை கண்டு மகிழ்ந்தனர்.

பெரும்பாலானோர் காட்டை பார்ப்பது இதுதான் முதல் முறையாகும் காட்டில் பல வகை மரங்கள் இருந்ததால் இந்த மரங்களில் பறவைகள் கீறிக்கொண்டு சத்தமிட்டு கொண்டிருந்தன.

"நான் இன்னும் காட்டிற்குள் சென்று பார்க்கப் போகிறேன்'' என்று தக்ஷ் உயர்ந்த மரங்களை பார்த்தபடி கூறினான்.

"கவனமாக இரு தக்க்ஷ். அந்த திசையில் பேய் வசிக்கும் கிணறு ஒன்று உள்ளது” என்று குணால் அவனை எச்சரித்தான். தக்க்ஷ் பயந்துவிட்டான். “என்ன கூறுகிறாய் பேய் வசிக்கும் கிணறா உனக்கு எப்படி தெரியும்?''

“அந்தக் கிணறு பழைய காலத்து கிணறு ஆகும். அங்கு பேய்கள் வசிக்கின்றன என்று கூறப்படுகிறது எனக்கு காட்டின் காவலாளி கூறினார்."

"ஆல்ரைட் நான் கவனமாக இருந்து கொள்கிறேன்" என்று தக்க்ஷ் கூறிவிட்டு காட்டிற்குள் சென்றான்.

சிறிது நேரத்திற்குப் பிறகு தக்க்ஷ் பிக்னிக் இடத்தை நோக்கி ஓடி வந்தான். அவனுடைய முகம் வெளிரிப் போய் இருந்தது. "நண்பர்களே பேய்" என்று அவன் உளர ஆரம்பித்தான். அவனால் சரிவர பேச முடியவில்லை. அனைவரும் பயந்து விட்டனர்.

"என்ன நடந்தது தக்ஷ் என்று சரியாக சொல்" மிகர் கேட்டான்.