ఎల్మో చెవులు

లంచ్ బ్రేక్ బెల్ మోగింది. పిల్లలంతా క్లాస్ రూముల నుంచి బయటకు పరుగెత్తారు.

- కథ • డా.కె.రాణి

లంచ్ బ్రేక్ బెల్ మోగింది. పిల్లలంతా క్లాస్ రూముల నుంచి బయటకు పరుగెత్తారు.

ప్లే గ్రౌండ్ గుమిగూడారు. ఎల్మో ఏనుగు, రోరో కుందేలు, మ్యాడీ కోతి, డానీ జింకలు తమ లంచ్ బ్యాక్స్తో చెట్టు కింద కూర్చున్నారు.

వర్షాలు తగ్గి అక్టోబర్ నెల వేడి పెరిగింది.

చుట్టూ దోమలు రొద పెడుతున్నాయి.

రోరో లేచి ఎల్మో ఏనుగు దగ్గరికి వెళ్లాడు.

“ఎందుకు ఎల్మో దగ్గరికి వెళ్లావు" అడిగాడు మ్యాడీ.

"ఎల్మో పక్కన కూర్చుంటే దోమలు నన్ను ఇబ్బంది పెట్టవు" సమాధానమిచ్చాడు రోరో.

"ఎల్మోకి దోమలు భయపడతాయా?” వెటకారంగా అడిగాడు మ్యాడీ.

“ఆ విషయం చెప్పలేను కానీ అతని పెద్ద చెవుల కారణంగా దోమలు దగ్గరికి రావు. చెవుల కదలిక వాటిని దూరంగా ఉంచుతుంది" నవ్వుతూ వివరించాడు రోరో.

“నిన్ను నా బెస్ట్ ఫ్రెండ్ అనుకున్నాను కానీ ఇప్పుడు నువ్వు నా చెవులను ఎగతాళి చేస్తున్నావు. నీ చెవులు కూడా పెద్దవే. వాటిని ఊపి నువ్వే దోమలను తరిమేయగలవు” అన్నాడు ఎల్మో.

“నీలాగా చెవులు తిప్పి నేను దోమలను తరిమి కొట్టలేను" చెప్పాడు రోరో. “మాట్లాడటం ఆపండి ఇద్దరు. తినడం మీద దృష్టి పెట్టండి. బెల్ కొడితే మనం లంచ్ ముగించలేము” మాట మారుస్తూ చెప్పాడు డానీ.

రోరో మాటలు విన్నాక ఎల్మో మూడ్ చెడిపోయింది. అతనికి తన పెద్ద చెవులు నచ్చలేదు. అందరి ముందు రోరో తనను బాధపెట్టాడని అనుకున్నాడు.

నిశ్శబ్దంగా లంచ్ పూర్తి చేసాడు. బెల్ మోగగానే భుజాలు వేలాడేసుకుని క్లాస్ రూమ్కి వెళ్లాడు.

ఎల్మో వాడిపోయిన ముఖాన్ని చూడటం మ్యాడీ కోతికి ఇష్టం లేదు.

“రోరో మాటలను సీరియస్గా తీసుకోకు ఎల్మో" ఓదార్చాడు మ్యాడీ.

“అందరూ నా పెద్ద చెవులను చూసి ఎగతాళి చేస్తారు. నేను వాటిని ఇష్టపడను. అసలు ఏనుగులకు ఇంత పెద్ద చెవులను ఎందుకు ఇచ్చారో నాకు తెలియదు" ఏడుస్తూ చెప్పాడు ఎల్మో.

"ప్రకృతి ఏనుగులకు పెద్ద చెవులు, చిన్న కళ్లు ఇచ్చిందని, అందుకే అవి తమ శరీరాలను చూడలేవని చెప్పింది మా నానమ్మ” అన్నాడు మ్యాడీ.

ఎల్మో కళ్లు పెద్దవి చేసాడు.

“ఏనుగు తన శరీరాన్ని చూస్తే ఏమవుతుంది?” అడిగాడు.

"ఏనుగు తనను తాను చూసుకుని చాలా గర్వ పడుతుందని, చిన్న జంతువులను ఇబ్బంది పెడుతుందని ఆమె చెప్పేది" అని వివరించాడు మ్యాడీ.