మధురమైన స్నేహం

చీ కూ కుందేలు, బ్లాకీ ఎలుగుబంటి ఇద్దరూ మంచి మిత్రులు. వారు ఒకరినొకరు ఎప్పుడూ విడిచి పెట్టి ఉండరు.

- కథ • కుముద్ కుమార్

చీ కూ కుందేలు, బ్లాకీ ఎలుగుబంటి ఇద్దరూ మంచి మిత్రులు. వారు ఒకరినొకరు ఎప్పుడూ విడిచి పెట్టి ఉండరు. వారిద్దరిని ప్రాణ స్నేహితులు అని అనవచ్చు. తరగతి గదిలోనూ ఒకే చోట కలిసే కూర్చునేవారు.

వారి అద్భుతమైన స్నేహం గురించి చంపక్ స్కూల్ అంతటా చర్చనీయాంశమే.

ఒక రోజు సాయంత్రం కాలనీలోని పిల్లలందరూ గ్రౌండ్లో ఆడుకుంటున్నప్పుడు, చీకూ కుందేలు, బ్లాకీ ఎలుగుబంటిలు ఇద్దరూ కలిసి తమ సైకిళ్లపై వచ్చి పిల్లల కోసం విన్యాసాలు చేయడం ప్రారంభించారు.

వారి విన్యాసాలు చూసి చాలామంది పిల్లలు చప్పట్లు కొట్టారు. చీకూ హ్యాండిల్ పట్టుకోకుండా సైకిల్ తొక్కసాగాడు. అయితే ఒక్కసారిగా బ్యాలెన్స్ తప్పి బ్లాకీ ఎలుగుబంటి సైకిల్ను ఢీ కొట్టాడు.

చీకూ త్వరగా లేచాడు కానీ బ్లాకీ పెద్ద శబ్దంతో నేల మీద పడ్డాడు.

ఈ స్థితిలో బ్లాకీని చూసి పిల్లలు పగలబడి నవ్వారు. చీకూ సైతం వారితో నవ్వులు కలిపాడు.

దీన్ని అవమానంగా భావించాడు బ్లాకీ. కింద పడడంతో గీతలు పడి చర్మం డోక్కుపోవడంతో చీకూ నవ్వడం అతనికి మరింత కోపం వచ్చింది.

తన ప్రియ మిత్రుడు చీకూ సైతం తననిచూసి నవ్వడంతో బ్లాకీకి ఓపిక నశించింది.

కోపంగా లేచి బట్టలపై ఉన్న దుమ్మును దులిపేసుకుని, “చీకూ, నువ్వు కూడా నన్ను గేలి చేస్తావా? మన స్నేహం ఇంతటితో ముగిసిపోయింది.నేను నీతో కటిఫ్ చెబుతున్నాను” అన్నాడు.

బ్లాకీ తన గడ్డం మీద కుడిచేతి బొటనవేలు పెట్టి మూడుసార్లు సైగ చేసాడు. వాళ్ల భాషలో "కట్టీఫ్, కట్టీఫ్, కట్టీఫ్” అని చెప్పి, వారి స్నేహానికి ముగింపు పలికాడు. చీకూకు క్షమాపణ చెప్పే అవకాశం ఇవ్వకుండా బ్లాకీ తన సైకిల్ను తీసుకుని కోపంతో రుసరుస లాడుతూ దూరంగా వెళ్లిపోయాడు.