വിവിധതരം മഴകൾ

കാഴ്ചപ്പുറം

- നതാഷ ജെറി

ഇപ്പോൾ വേനൽ മഴ പെയ്യുന്ന സമയമാണല്ലോ. മഴയെ ശാസ്ത്രീയമായി വിളിക്കുന്നത് പ്രസിപിറ്റേഷൻ (Precipitation) എന്നാണെന്ന് അറിയുമോ? അന്തരീക്ഷത്തിലെ നീരാവി ഘനീഭവിച്ച് പെയ്തിറങ്ങുന്നതിനെയാണ് പ്രസിപിറ്റേഷൻ എന്ന് വിളിക്കുന്നത്.

ജലമായി പെയ്യുന്ന പ്രസിപിറ്റേഷനെയാണ് മഴയെന്നു വിളിക്കുന്നത്. എന്നാൽ അതുകൂടാതെ മറ്റു പല പ്രസിപിറ്റേഷൻ വകഭേദങ്ങളും ഉണ്ട്. ചാറ്റൽ മഴ, മഞ്ഞുമഴ, ആലിപ്പഴം എന്നിവയൊക്കെ ചില ഉദാഹരണങ്ങളാണ്. പെയ്യുന്ന ജലത്തുള്ളിയുടെ ഘടനയും വലി പ്പവും ഖരമാണോ ദ്രാവ കമാണോ എന്നതുമൊക്കെ അനുസരിച്ചാണ് പ്രസിപിറ്റേഷനുകളെ തരംതിരിച്ചിരിക്കുന്നത്. ഇവ ഏതൊക്കെ എന്ന് നോക്കാം.

ചാറ്റൽമഴ (Drizzle)

വളരെ കുറഞ്ഞ അളവിലുള്ള മഴയെ ആണ് ചാറ്റൽമഴ എന്ന് വിളിക്കുന്നത്. ഇതിൽ മഴത്തുള്ളികളുടെ വലിപ്പം വളരെ ചെറുതായിരിക്കും. ശരാശരി 0.5 മില്ലീമീറ്റർ ആണ് ഒരു ചാറ്റൽ മഴത്തുള്ളിയുടെ വ്യാസം. വളരെ ലഘുവായ മഴയായതുകൊണ്ട് തന്നെ ചാറ്റൽ മഴത്തുള്ളികൾ ഭൂമിയിൽ പതിക്കുന്നതിന് മുൻപ് തന്നെ ബാഷ്പീക രിച്ചു പോകുന്നതും സാധാരണമാണ്.

മഴ (Rain)

മഴ എന്താണെന്ന് എല്ലാവർക്കും അറിയാവുന്നതാണല്ലോ. മഴത്തുള്ളികൾക്ക് ചാറ്റൽ മഴത്തുള്ളികളെക്കാൾ വലുപ്പം കൂടുതലായിരിക്കും. 10 മില്ലീമീറ്റർ വ്യാസമുള്ള മഴത്തുള്ളികൾ വരെ രേഖപ്പെടുത്തപ്പെട്ടിട്ടുണ്ട്. താഴ്ഭാഗം പരന്നും മുകൾഭാഗം ഉരുണ്ടും ഉള്ള ഒരു ബണ്ണിന്റെ ആകൃതിയാണ് മഴത്തു ള്ളികളുടേത്. സാധാരണയായി ക്യുമുലോ നിംബസ്, നിംബോസ്ട്രാറ്റസ് മേഘങ്ങളാണ് മഴ പെയ്യിക്കുന്നത്.

മേഘവിസ്സ്ഫോടനം (Cloud burst)