అష్టాదశ పురాణాలు ఆసక్తికరమైన విషయాలు

హిందూ మతంలో పురాణాలకు ఎంతో ప్రత్యేకత ఉంది. ఇవి సంస్క్రుత భాగవతంలోని పన్నెండో స్కందం నుండి పుట్టాయని పండితులు చెబుతారు

హిందూ మతంలో పురాణాలకు ఎంతో ప్రత్యేకత ఉంది. ఇవి సంస్క్రుత భాగవతంలోని పన్నెండో స్కందం నుండి పుట్టాయని పండితులు చెబుతారు. బ్రహ్మమహర్షి ధ్యానంలో ఉన్న సమయంలో తన నుండి వెలువడిన శబ్దాల ద్వారా ఓంకార శబ్దం ఆవిర్భవించిందని.. 'అ నుండి హ' వరకు ఉండే అక్షరాలు కూడా ఈ సమయంలోనే ఉద్భవించాయనేది నమ్మకం. ఈ నేపథ్యంలోనే సకల మంత్రాలకు ఓంకారం అనేక బీజాక్షరం అయ్యిందని, ఓం కారం నుండే నాలుగు వేదాలు ఉద్భవించాయని పండి తులు చెబుతుంటారు. వేదాలు నాలుగు రకాలున్నాయని మనందరికీ తెలిసిందే. రుగ్వేదం, యజుర్వేదం, సామవేదం, ఆధర్వణ వేదం అనే చతుర్వేదాలు చాలా క్లిష్టమైనవి. ఈ సందర్భంగా అష్టాదశ పురాణాలు ఏవి? అందులో ఏమున్నాయనే వివరాలను ఇప్పుడు తెలుసుకుందాం.

అష్టాదశ పురాణాలు.. పద్మ పురాణం, విష్ణు పురాణం, లింగ పురాణం, బ్రహ్మ పురాణం, కూర్మ పురాణం, మత్స్య పురాణం, అగ్ని పురాణం, వామన పురాణం, గరుడ పురాణం, వరాహ పురాణం, వాయు పురాణం, నారద పురాణం, స్కంద పురాణం, భాగవత, మార్కండేయ పురాణం, బ్రహ్మాండ పురాణం, భవిష్య పురాణం, బ్రహ్మవైవర్త పురాణం. వీటిలో పద్మ పురాణం చాలా పెద్దది. మార్కండేయ పురాణం చాలా చిన్నది.