ఆ ఆలయంలో హిందువులకు మాత్రమే ప్రవేశం

దైవం పట్ల భక్తి భావం లేనివారికీ ఈ తీర్పు వర్తిస్తుందని తెలిపింది. ఈ మేరకు మద్రాస్ హైకోర్టు మధురై బెంచ్ తీర్పు వినిపించింది.

పళని ఆలయం. తమిళనాడులోని ప్రఖ్యాత దేవస్థానాల్లో ఇదీ ఒకటి. సుబ్రహ్మణ్యస్వామివారు కొలువైన అరుదైన ఆలయం ఇది.మురుగన్, దండాయుధపాణిగా స్వామివారిని కొలుస్తారు భక్తులు. రెండు తెలుగు రాష్ట్రాలతో పాటు తమిళనాడు, కర్ణాటక, కేరళ నుంచి వేలాదిమంది సుబ్రహ్మణ్యేశ్వరుడిని దర్శించుకుంటుంటారు.

దిండిగల్ జిల్లాలో గల ఈ ఆలయంపై మద్రాస్ హైకోర్టు సంచలన తీర్పు వెలువడించింది. హిందువులకు మాత్రమే ఈ ఆలయంలో ప్రవేశాన్ని కల్పించింది. హిందుయేతరులు ఆలయానికి వెళ్లడంపై నిషేధం విధించింది. హిందూ ధర్మం అంటే నమ్మకం లేని వాళ్లు, నాస్తికులకు ఆలయంలోనికి వెళ్లడం సరికాదని తేల్చి చెప్పింది.