మధుమేహం అధికంగా ఉంటే జాగ్రత్తపడండి..

మధుమేమం వ్యాధి ప్రపంచాన్ని చుట్టుముట్టేస్తోంది. డయాబెటిస్ రోజురోజుకు చాపకింద నీరులా విస్తరిస్తోంది.

మధుమేమం వ్యాధి ప్రపంచాన్ని చుట్టుముట్టేస్తోంది. డయాబెటిస్ రోజురోజుకు చాపకింద నీరులా విస్తరిస్తోంది. చిన్నా పెద్ద అనే తేడా లేకుండా అందరిని వెంటాడుతోంది. ఇప్పుడున్న కాలంలో ఇంటింటికి మధుమేహం వ్యాధిగ్రస్తులుంటున్నారు. జీవనశైలి, అధిక ఒత్తిడి, మానసిక ఆందోళన తదితర కారణాలతో మధుమేహం వ్యాధిగ్రస్తులు పెరిగిపోతు న్నారు. జీవనశైలిలో మార్పులు చేసుకుని రక్తంలో చక్కెర స్థాయిలో అదుపులో ఉంచుకోవాలి. లేకపోతే శరీరంలోని అన్ని అవయవాలపై తీవ్ర ప్రభావం చూపుతుంది. షుగర్ లెవల్స్ గుండె జబ్బులు, మూత్ర పిండాల సమస్యలు, స్ట్రోక్కు దారి తీసే ప్రమాదం ఉంటుంది. శరీరంలో ఇన్సులిన్ ను తగినంతగా ఉత్పత్తి కానప్పుడు మధుమేహం బారిన పడతారు. డయాబెటిస్ వచ్చిన తర్వాత అదుపులో లేకుంటే రక్తనాళాలు సైతం దెబ్బతింటాయి. కొందరికి తెలియకుండానే రక్తంలో షుగర్స్ లెవల్స్ ఒక్కసారిగా పెరిగి పోతాయి. సంకేతాలు కనిపిస్తున్నా పెద్దగా పట్టించుకోరు. నిర్లక్ష్యం చేస్తే మరింతగా ముదిరిపోయే ప్రమాదం ఉందంటున్నారు నిపుణులు.

అలసట రావడం : రక్తంలో అధికంగా గ్లూకోజ్ ఉంటే అదనంగా శక్తి వస్తుందని భావించవద్దు. శరీరంలో గ్లూకోజ్ స్థాయి అధికంగా ఉన్నప్పటికీ, శక్తిగా మార్చుకోలేని స్థితి. దీంతో శక్తి సరిపోక అలసట వస్తుంటుంది.

అధిక మూత్ర విసర్జన :డయాబెటిస్ ఉన్నవారు మూత్ర పిండాలు రక్తంలో అధికంగా షుగర్ను వడకట్టవు. ఎక్కువగా ఉన్న గ్లూకోజ్ను బయటకు పంపే ప్రయత్నం జరుగుతుంది. దీంతో ఎక్కువ సార్లు మూత్ర విసర్జన చేయాల్సి వస్తుంటుంది.