ലോകത്തിന്റെ 'ചൈനാപാത!

അമേരിക്കയെ മറികടന്ന് ലോകശക്തിയായി ഉയരാനുള്ള ചൈനയുടെ മാസ്റ്റർ പ്ലാനിന് 10 വയസ്സ്

- അജീഷ് മുരളീധരൻ

 നൂറ്റി അൻപതിലേറെ രാജ്യങ്ങളുമായി ഇരുനൂറിലേറെ ഉടമ്പടികൾ, മൂവായിരത്തോളം പദ്ധതികൾ, ലക്ഷം കോടി ഡോളറിന്റെ നിക്ഷേപം ചൈനയുടെയും പ്രസിഡന്റ് ഷി ചിൻ പിങ്ങി ന്റെയും സ്വപ്നപദ്ധതിയായ ബെൽറ്റ് ആൻഡ് റോഡ് ഇനിഷ്യേറ്റിവ് (ബിആർഐ) 10-ാം വർഷമെത്തുമ്പോൾ ചിത്രമിതാണ്.

 “ആഗോള ചൈന

 യുഎസ് കേന്ദ്രീകൃതമായ ആഗോള രാഷ്ട്രീയവ്യവസ്ഥ ഡോളർ കേന്ദ്രീകൃത സമ്പദ്വ്യവസ്ഥയ്ക്കും ബദലായി ചൈന കേന്ദ്രീകൃത ആഗോളവ്യവസ്ഥയും യുവാൻ കേന്ദ്രീകൃത ലോക സമ്പദ്വ്യവസ്ഥയും രൂപപ്പെടുത്തിയെടുക്കാനുള്ള ഷിയുടെ നീക്കം ആദ്യഘട്ടം പിന്നിട്ടെന്നു പറയാം. പദ്ധതിയുടെ പത്താം വാർഷികത്തോടനുബന്ധിച്ചു ബെയ്ജിങ്ങിൽ ഒക്ടോബർ 17നും 18നും ബിആർഐ ഉച്ചകോടിതന്നെ നടത്തി.