പഠിക്കണം, സമ്പാദിക്കാനും

സമ്പാദ്യമെന്നത് നിക്ഷേപമെന്ന ഉപശാഖയിലേക്കു വളർന്നപ്പോൾ, വിദഗ്ധപഠനവും അനിവാര്യമായി

- ബി.എസ്.വാരിയർ

നമ്മുടെ നാട്ടിൽ പൊതുവേ ഭൂമിയും സ്വർണവുമായിരുന്നു സമ്പാദ്യങ്ങളിൽ പ്രധാനം. കാലം മാറിയതോടെ, സമ്പാദ്യവും നിക്ഷേപവും എന്ന രണ്ടു മേഖലയായി അതു വളർന്നു. സമ്പാദ്യം അതുപോലെ നിൽക്കും. പക്ഷേ, അൽപം റിസ്ക് എടുക്കാമെങ്കിൽ പണം നിക്ഷേപിച്ചു വർധിപ്പിക്കാം.

ബാങ്ക് അക്കൗണ്ടുകൾക്കു ക്രമേണ പ്രചാരം കൈവന്നു. പലരും സർക്കാർ ബോണ്ടുകളെയും കോർപറേറ്റ് ഡിപ്പോസിറ്റുകളെയും ഡിബഞ്ചറുകളെ യും ആശ്രയിച്ചു. ഇവയെക്കാളെല്ലാം ആദായകരമായ “ഇക്വിറ്റി' സമ്പ്രദായത്തിനു സ്വീകാര്യത വർധിച്ചു.

കൈവന്നേക്കാവുന്ന വൻ ലാഭത്തിൽ ശ്രദ്ധിക്കുന്നവർക്ക് ഇവയെല്ലാം ആകർഷകമാണ്. വലിയ നഷ്ടവും വന്നേക്കാമെന്നതിലേക്കു കണ്ണടയ്ക്കുന്ന ചില ഭാഗ്യാന്വേഷികളുമുണ്ട്.

പഠിക്കാനുണ്ട്, ഓഹരി