യുക്രെയ്നിലെ റഷ്യൻ പതനം

വിദേശ വിശേഷം അറിവുകൾ വിദേശത്തുനിന്ന്

- അജീഷ് മുരളീധരൻ

യുക്രെയ്നിലെ യുദ്ധഭൂമിയിലെ റഷ്യൻ മരണ സംഖ്യ മുക്കാൽ ലക്ഷത്തോളമെന്നു റിപ്പോർട്ട്

യുക്രെയ്ൻ അധിനിവേശം രണ്ടര വർഷം പിന്നിടുമ്പോൾ യുദ്ധഭൂമിയിൽ റഷ്യയ്ക്കു നഷ്ടമായത് എഴുപതിനായിരത്തിലേറെ പൗരൻമാരെ. ഇതിലേറെയും യുദ്ധം തുടങ്ങിയശേഷം പട്ടാളത്തിൽ ചേർന്ന സാധാരണക്കാരും. യുദ്ധമുന്നണിയിലേക്ക് അയയ്ക്കാനായി റഷ്യൻ സർക്കാർ വലിയ ശമ്പളം വാഗ്ദാനം ചെയ്തു നടത്തിയ അടിയന്തര സൈനിക റിക്രൂട്മെന്റിലൂടെ അറുപതു വയസ്സു കഴിഞ്ഞവർപ്പോലും സേനയുടെ ഭാഗമായി. കൂടാതെ, ഒട്ടേറെ സന്നദ്ധപ്രവർത്തകരെയും ജയിൽശിക്ഷ അനുഭവിച്ചുവന്ന തടവുകാരെയും റഷ്യ ആയുധമണിയിച്ച് യുക്രെയ്നിലേക്ക് അയച്ചു. തടവുകാർക്ക് ശിക്ഷാ ഇളവ് വാഗ്ദാനം ചെയ്താണു സൈന്യത്തിൽ ചേർത്തത്.