അഞ്ചാം കൊല്ലവും കാത്തിരിപ്പ് KAS വിജ്ഞാപനം എപ്പോൾ?

ആദ്യ വിജ്ഞാപനം വന്നിട്ട് 5 വർഷം; ആദ്യ റാങ്ക് ലിസ്റ്റ് റദ്ദായിട്ട് 2 വർഷം

-  ഷാജി പൊന്നോല

കേരള അഡ്മിനിസ്ട്രേറ്റീവ് സർവീസ് (കെഎഎസ്) തസ്തികയുടെ ആദ്യ വിജ്ഞാപനം വന്നിട്ട് നവംബർ 1ന് 5 വർഷം തികയ മ്പോഴും അടുത്ത വിജ്ഞാപനം എന്നു വരുമെന്നത് ചോദ്യചിഹ്നമായി തുട രുന്നു.

രണ്ടു വർഷത്തിലൊരിക്കൽ വിജ്ഞാപനം പ്രസിദ്ധീകരിക്കണമെന്ന വ്യവസ്ഥ തകിടംമറിഞ്ഞുകഴിഞ്ഞു. 2021 ഒക്ടോബർ 8നു പ്രസിദ്ധീകരിച്ച ആദ് റാങ്ക് ലിസ്റ്റ് റദ്ദായിട്ടുതന്നെ 2 വർഷമായി. പുതിയ വിജ്ഞാപനം സംബന്ധിച്ച വിവരമൊന്നും സർക്കാരിൽ നിന്നോ പിഎസ്സിയിൽ നിന്നോ ഉണ്ടായിട്ടില്ല. കഴിഞ്ഞ വർഷം നവംബർ 1ന വിജ്ഞാപനം പ്രസിദ്ധീകരിക്കുമെന്ന് അന്നത്തെ ചീഫ് സെക്രട്ടറി സൂചന നൽകിയിരുന്നെങ്കിലും അതുണ്ടായില്ല.

വിജ്ഞാപനം വരാൻ ഒഴിവു വന്നേ പറ്റൂ

മറ്റു തസ്തികകളിലെപ്പോലെ പ്രതീ ക്ഷിത ഒഴിവുകളിലേക്ക് കെഎഎസ് വിജ്ഞാപനം പ്രസിദ്ധീകരിക്കാൻ കഴിയില്ല എന്നതിനാൽ നിലവിലുള്ള ഒഴിവ് റിപ്പോർട്ട് ചെയ്താൽ മാത്രം വിജ്ഞാപനം എന്നാണു പിഎസ്സി വ്യക്തമാക്കിയത്. ആദ്യ വിജ്ഞാപന ത്തിൽ 105 ഒഴിവ് റിപ്പോർട്ട് ചെയ്തിരുന്നു. ഒരു വർഷമായിരുന്നു റാങ്ക് ലിസ്റ്റിന്റെ കാലാവധി.