5000 രൂപ മാസ സ്റ്റൈപൻഡോടെ ഒരു കോടിപ്പേർക്ക് ഇന്റേൺഷിപ്

പ്രധാനമന്ത്രി ഇന്റേൺഷിപ് പദ്ധതി റജിസ്ട്രേഷൻ 25 വരെ അപേക്ഷിക്കാൻ വേണ്ട പ്രായപരിധി: 21-24

- ബി.എസ്.വാരിയർ

അഞ്ചു കൊണ്ട് ജനങ്ങൾക്ക് 5,000 രൂപ പ്രതിമാസ സ്റ്റൈപൻഡോടെ 12 മാസക്കാലം ഇന്റേൺഷിപ് ഒരുക്കുന്ന പദ്ധതിയാണ് ഒക്ടോബർ 3നു കേന്ദ്ര കോർപറേറ്റ് കാര്യ മന്ത്രാലയം വിജ്ഞാപനം ചെയ്ത "പ്രൈം മിനിസ്റ്റേഴ്സ് ഇന്റേൺഷിപ് സ്കീം ഇൻ ടോപ് കമ്പനീസ്'. വിവിധ പ്രഫഷനലുകളിലെ ബിസിനസ് സാഹചര്യത്തിൽ ഇന്റേണുകൾക്കു പരിശീലനം ലഭിക്കാൻ അവസരമൊരുക്കുന്ന ഈ ബൃഹദ് പദ്ധതിയുടെ റജിസ്ട്രേഷൻ ആരംഭിച്ചു. ഒക്ടോബർ 25 വരെ റജിസ്റ്റർ ചെയ്യാം.

വിദ്യാഭ്യാസ സ്ഥാപനങ്ങളിൽ ലഭിക്കുന്ന അക്കാദമിക് പരിശീലനങ്ങളും വ്യവസായങ്ങളിൽ ആവശ്യമായ തൊഴിൽ നൈപുണികളും തമ്മിലുള്ള വിടവു നികത്തി, യുവജനങ്ങളെ തൊഴിൽസജ്ജരാക്കുകയെന്ന ലക്ഷ്യമാണ് ഈ പദ്ധതിക്കുള്ളത്, ഇന്റേൺഷിപ്പിന്റെ 12 മാസത്തിൽ പകുതിയെങ്കിലും ചെലവിടുന്നത് ജോലി സ്ഥലത്തായിരിക്കും. ക്ലാസ് മുറികളിൽ ആയിരിക്കില്ല. നൈപുണ്യ വികസനം, അപ്രന്റിസ്ഷിപ്, ഇന്റൺഷിപ്, ട്രെയിനിങ് മുതലായവയിൽ നിലവിലുള്ള എല്ലാ കേന്ദ്ര-സംസ്ഥാന പദ്ധതികളിൽ നിന്നും സ്വതന്ത്രമായിട്ടാണ് ഇതു വിഭാവനം ചെയ്തു ദേശീയതലത്തിൽ നടപ്പാക്കുന്നത്. തൃപ്തികരമായി ഇന്റേൺഷിപ് പൂർത്തിയാക്കുന്നവർക്കു കമ്പനി ഔദ്യാഗികമായി സർട്ടിഫിക്കറ്റും നൽകും.

പങ്കാളികളായി 500 സ്ഥാപനങ്ങൾ

2024-25 സാമ്പത്തികവർഷം പൈലറ്റ് പ്രോജ കായി ഒന്നേകാൽ ലക്ഷം പേർക്കു മുൻനിര കമ്പനികളിൽ ഇന്റേൺഷിപ് സൗകര്യമൊരുക്കും. റിലയൻസ്, ടാറ്റ, ഇൻഫോസിസ്, എൻടിപിസി, ഇന്ത്യൻ ഓയിൽ, ബജാജ്, മഹീന്ദ്ര, കോൾ ഇന്ത്യ, ഇന്ത്യൻ റെയിൽവേസ്, ടൈറ്റൻ, ഡോ.റെഡ്ഡീസ്, ഭാരത് അലുമിനിയം, ഗോദ് റേജ്, എൽജി., അശോക് ലെയ്ലാൻഡ്, നിർമ, ടിവിഎ സ്, ബേയർ, ഹണിവെൽ, വോൾടാസ്, അദാനി, ബജാജ്, സ്കോഡ, എസ്ബിഐ, ഐസിഐ സിഐ, എച്ച്ഡിഎഫ്സി തുടങ്ങി 500 സ്ഥാപന ങ്ങൾ ഈ പദ്ധതിയിൽ പങ്കാളികളായിക്കഴിഞ്ഞു. കഴിഞ്ഞ 3 വർഷത്തെ CSR (കോർപറേറ്റ് സർവീസ് റെസ്പോൺസിബിലിറ്റി) ചെലവു പരിഗണിച്ചാണു സ്ഥാപനങ്ങളെ തിരഞ്ഞെടുത്തിട്ടുള്ളത്. മന്ത്രാലയത്തിന്റെ അനുമതിയോടെ മറ്റു സ്ഥാപനങ്ങൾക്കും പദ്ധതിയിൽ ചേരാം.

ഇന്റേണിനു തൃപ്തികരമായ പരിശീലനം നൽകാൻ കമ്പനിക്കു പ്രയാസമുണ്ടെങ്കിൽ പ്രവർത്തനങ്ങളിൽ ടൈ അപ്പുള്ള മറ്റു മികച്ച സ്ഥാപനത്തിൽ സൗകര്യം ഏർപ്പെടുത്താം. പക്ഷേ, ചുമതല പദ്ധതിയുടെ ഭാഗമായ കമ്പനിക്കായിരിക്കും.