വിസ്മയപഥത്തിലെ അക്ഷരങ്ങൾ

വ്യക്തി വിശേഷം വാർത്തയിലെ വ്യക്തിമുദ്രകൾ

- ശ്വേത എസ്.നായർ

ബഹിരാകാശ ജീവിതം അക്ഷരങ്ങളിൽ പകർത്തിവച്ച “ഓർബിറ്റൽ' എന്ന സയൻസ് ഫിക്ഷനിലൂടെയാണു സമാന്ത ഹാർവിയെന്ന ബ്രിട്ടിഷ് എഴുത്തുകാരിയെത്തേടി ബുക്കർ പുരസ്കാരത്തിന്റെ വരവ്. 136 പേജുകൾ മാത്രമുള്ള ഇത്തിരിക്കുഞ്ഞൻ പുസ്തകത്തിലൂടെ ഭാവനയുടെ ഒരു വലിയ ലോകം തന്നെ തുറന്നിടുന്നതാണു സമാന്തയുടെ "ഓർബിറ്റൽ'. സമാന്ത ഹാർവിയുടെ ആദ്യത്തെ ബുക്കർ പുരസ്കാര നേട്ടമാണിത്.

ബഹിരാകാശ നിലയത്തിൽ നിന്നു ഭൂമിയെ നിരീക്ഷിക്കുന്ന ആറു ബഹിരാകാശ യാത്രികരുടെ കഥയാണ് “ഓർബിറ്റൽ' എന്ന നോവലിലൂടെ സമാന്ത പറയുന്നത്.