காட்டு ராஜா கார்த்தி!

அவரை வெறுமனே கார்த்தி என்று சொல்வதில்லை. காட்டுராஜா கார்த்தி என்றுதான் சொல்கிறார்கள்.

- கா.சு.வேலாயுதன்

அதிகம் போனால் 24 வயது கூட இருக்காது. காட்டுவாசி போல் நீளமாய் கழுத்துக்குக் கீழாகத் தொங்கும் தலைமுடி. துரு துரு கண்கள். நெற்றியில் பிறையாய் மைப் பொட்டு. தமிழகத்து முக்கிய நகரம் (அந்த நகரைக் குறிப்பிட வேண்டாம் என்று எடுத்த எடுப்பில் கேட்டுக்கொண்டுதான் பேட்டிக்கே சம்மதித்தார்) ஒன்றில் 10வது வரை இங்கிலீஷ் மீடியத்தில் படித்திருக்கிறார். பிறகு அவருக்கு நகரம் பிடிக்கவில்லை. 16வது வயதில் ஊரை விட்டுப் புறப்பட்டவர் மலைக்காடுகளுக் குள்ளேயே பயணம் செய்கிறார்.

ஆங்காங்கே தங்கி பழங்குடிக ளோடு பழங்குடி யாய் வாழ்க்கை நடத்துகிறார். எலக்ட்ரிக் வயரிங், மோட்டார் மெக் கானிக் பணியில் ஆரம்பித்து பாம்பு பிடித்து காட்டில் விடுவது, குதிரை களை செலுத்திக் டூரிஸ்ட்களை காண் சுற்றிக் பிப்பது, வனத் துறையினரோடு சேர்ந்து காட்டுக் குள் வனப்பணிக ளில் ஈடுபடுவது, பழங்குடிகளோடு இணைந்து வாழ் வது, பழக்கப்பட்ட யானைகளுக்கு பாகன்களாய் இருந் தது /இருப்பது என பல பணிகளில் ஈடு பட்டு வருகிறார்.

இன்றைக்கு வால் வரை பாறை காடுகளில் பார்த்தால் அடுத்த நாள் கொடைக் கானல் மலைக ளில் காணலாம். அதற்கடுத்த நாள் கோத்தகிரி, ஊட்டி, கூடலூரில் பார்க்கலாம்.