அசிங்கப்பட்டார் ஆட்டோக்காரர்!

முன்னாள் அமெரிக்க குடியரசுத் தலைவர் டொனால்ட் டிரம்ப் கைது. இன்று உலகம் முழுவதும் இதுதான் ஹாட் டாபிக்.

- ஜான்சி

34 குற்றங்கள் அவர் மீது சுமத்தப்பட்டிருக்கின்றன. நியூயார்க் சுப்ரீம் கோர்ட்டில் (உச்ச நீதிமன்றம் என்று அழைக்கப்பட்டாலும் இந்த நீதிமன்றத்துக்கு மேலும் நீதிமன்றங்கள் நியூயார்க் மாகாணத்தில் இருக்கின்றன) விசாரணை நடந்தது.

நீதிமன்ற விசாரணைக்காக தனது சொந்த 757 விமானத்தில் ஃப்ளோரிடாவிலிருந்து நியூயார்க் வந்தார் டிரம்ப். இரவு தனது 'டிரம்ப் டவரில்' தங்கினார். நியூயார்க்கில் மிக உயரமான கட்டடங்களில் டிரம்ப் டவரும் ஒன்று. 664 அடி உயரம். 58 மாடிகள். இதில் மூன்று மாடிகளில் டிரம்ப் குடும்பத்தினர் தங்குவார்கள். அதில் இரவு தங்கியவர், மறுநாள் காலையில் நியூயார்க் நீதிமன்றத்துக்கு கிளம்பினார்.

நீதிமன்றத்துக்குள் வந்த டிரம்பின் முகத்தில் உற்சாகம் இல்லை. யாருடனும் பேசவில்லை. அவர் மீது சுமத்தப்பட்டிருந்த 34 குற்றச்சாட்டுக்களை நீதிபதி ஜூவன் மெர்ச்சான் வாசிக்க, டிரம்ப் அத்தனை குற்றச்சாட்டுக்களையும் மறுத்தார்.