தொடரும் திமுக அரசின் சாதனைகள்

இரண்டாண்டுகள் முடிந்து மூன்றாம் ஆண்டில் அடியெடுத்து வைக்கிறது முதல்வர் மு.க.ஸ்டாலின் தலைமையிலான திமுக அரசு. கடந்த 2021ல் பதவியேற்றபிறகு ஓராண்டில் பல்வேறு சாதனைகளைச் செய்தது. இரண்டாவது ஆண்டில் இந்த சாதனைகள் இன்னும் இரட்டிப்பாகி இருக்கின்றன

- பி.கே

ஆம். ஒவ்வொரு துறையிலும் பல்வேறு திட்டங்களைப் புகுத்திச் சாதித்து வருகிறது இந்தத் திராவிட மாதிரி அரசு. அவற்றில் சில மட்டும் இங்கே...

தமிழ்நாட்டின் முதல்வராக மு.க.ஸ்டாலின் பதவியேற்றபோது முதல் கையெழுத்தாக, நகரப் பேருந்துகளில் பயணம் செய்யப் பெண்களுக்கு இலவசம் என்று அறிவித்தார். இது அன்றாடம் நகரப் பேருந்துகளில் பயணிக்கும் ஒவ்வொரு பெண்ணின் கண்களிலும் அத்தனை மலர்ச்சியை ஏற்படுத்தியது. அனைவரும் இந்தத் திட்டதை பாராட்டி வருகின்றனர்.

கடந்த ஆண்டு மற்றொரு மைல் கல்லாக 'புது மைப் பெண்' திட்டத்தைத் தொடங்கி வைத்தார் முதல்வர்.

இது அரசுப் பள்ளிகளில் ஆறாம் வகுப்பு முதல் 12ம் வகுப்பு வரை பயின்று உயர் கல்வியில் சேரும் அனைத்து மாணவிகளுக்கும் மாதந்தோறும் ஆயிரம் ரூபாய் வழங்கும் திட்டம்.

இது பெற்றோர் மத்தியில் சிறந்த வரவேற்பைப் பெற்றுள்ளது.இந்நிலையில் வரும் செப்டம்பர் 15ம் தேதி முதல் தகுதி வாய்ந்த குடும்பத் தலைவிகளுக்கு மாதம் ஆயிரம் ரூபாய் உரிமத்தொகை வழங்கப்படும் என நிதிநிலையில் நிதியமைச்சர் அறிவித்துள்ளார். இதுவும் பெண்களிடையே பாராட்டையும் வரவேற்பையும் பெற்றுள்ளது.

காலை உணவுத் திட்டம்