டெக்கில் அசத்தும் வேலூர் மாணவன்

ஒன்றோ… இரண்டோ அல்ல. நூற்றுக்கணக்கான விழிப்புணர்வு வீடியோக்கள்

- பேராச்சி கண்ணன்

தவிர, எக்கச்சக்க எலக்டரானிக்ஸ் தகவல்கள் என யூடியூப்பிலும், இன்ஸ்டாகிராமிலும் அசத்தி வருகிறார் சுபியான். 

அவரின், ‘AR7 TECH’ சேனலுக்கோ அல்லது ar7_tech இன்ஸ்டா ஐடிக்கோ போனால், ‘தேவையில்லாத லிங்க்கை திறக்காதீங்க. 

திறந்தால் என்னவாகும்’ என்பதில் தொடங்கி, ‘ஏன் சார்ஜ் போட்டுக்கொண்டே செல்போன் பேசக்கூடாது, வாட்ஸ்அப் காலினை ரிக்கார்டு செய்வது எப்படி...’ என ஏகப்பட்ட பயனுள்ள விஷயங்களை வீடியோக்களின் வழியே அள்ளித் தெளிக்கிறார்.

இத்தனைக்கும் சுபியானின் வயது 18தான். இந்தாண்டு கல்லூரியில் சேர விண்ணப்பம் செய்துவிட்டு காத்திருக்கும் மாணவர் இவர். ஆனால், அதற்குள் இன்ஸ்டா ரீல்ஸின் இளம் கிரியேட்டர் பரிசும், சான்றிதழும் பெற்றுவிட்டார். யூடியூப்பின் சில்வர் அவார்டும் விரைவில் அவருக்குக் கிடைக்கவுள்ளது. ஏனெனில், அவரின் யூடியூப்பை ஒரு லட்சத்து 27 ஆயிரம் பேர் சப்ஸ்கிரைப் செய்துள்ளனர். இதேபோல் அவரின் இன்ஸ்டாவை ஒரு லட்சத்து 76 ஆயிரம் பேர் ஃபாலோ செய்கின்றனர். உலக அளவில் இளம்வயதில் டெக்னாலஜி சம்பந்தமான தகவல்களைத் தமிழில் தரும் ஒரே யூடியூப் சேனல் அநேகமாக இவருடையதாக மட்டுமே இருக்கும்.

‘‘2019ல் தான் யூடியூப் சேனல் ஆரம்பிச்சேன். பிறகு, இன்ஸ்டாவுல பக்கம் ஓப்பன் பண்ணினேன். எல்லாவற்றையும் கொஞ்சம் கொஞ்சமாக கத்துக்கிட்டேன். எந்த ஒரு விஷயத்தையும் வீடியோவாக போஸ்ட் பண்றதுக்கு முன்னாடி நான் முதல்ல செய்து பார்த்திடுவேன்.  அப்பதான் தவறில்லாமல் தகவல்களைத் தரமுடியும். அதனாலதான் இத்தனை ஃபாலோயர்ஸ், வியூவர்ஸை பெறமுடிஞ்சது...’’ என்கிற சுபியானுக்குப் பூர்வீகம் வேலூர்.‘‘