யூடியூப் வழியாக இசையமைப்பாளர்!

இது யூடியூப் காலம். சமூக வலைதளங்களில் தங்கள் திறமையை வெளி உலகிற்கு அறிமுகம் செய்து சினிமாவுக்குள் பலர் வந்துள்ளனர். அந்த வரிசையில் லேட்டஸ்ட் வரவு ஆப்ரோ.

- எஸ்.ராஜா

சந்தானம் நடித்து சமீபத்தில் வெளியான ‘டிடி ரிட்டர்ன்ஸ்’ படத்தின் மூலம் இசையமைப்பாளராக அறிமுகமாகியுள்ளார். இவருடைய ‘ஜோட்தால’ ஆல்பம் பல மில்லியன்களைக் கடந்துள்ளது. இவருடைய அப்பா புகழ் பெற்ற பாடகர். படம் ஹிட் அடித்ததால் மகிழ்ச்சியில் இருந்தவர் உற்சாகத்துடன் பேச ஆரம்பித்தார்.

ரோகித் ஆபிரகாம் எப்படி ஆப்ரோவாக மாறினார்?

சினிமாவில் ஒன்பது வருங்களாக இருக்கிறேன். நிறைய மியூசிக் டைரக்டர்களிடம் நிறைய படங்களில் வேலை செய்துள்ளேன். இண்டஸ்ட்ரியில் இருக்கும் எல்லோருக்கும் என்னைத் தெரியும். பல படங்களில் என்னுடைய ஒர்க் இருக்கும். ஆனா, பேர் இருக்காது.