ஏசி, ஃபிரிட்ஜ் அல்ல...ஃபேன்தான் மின் கட்டணம் அதிகரிக்கக் காரணம்!

ஆளே இல்லாத ஊரில் டீ ஆத்துவது போல யாருமே இல்லாத பல வீடுகளில் ஏதாவது ஒரு மின்விசிறி தேமே என்று சுத்துவதை பலர் பார்த்திருப்போம். இந்த அலட்சியத்துக்குக் காரணம் ‘மின்விசிறிகள் கரண்டை அதிகம் சாப்பிடாது’ என்ற பலரின் எண்ணம்.

- டி.ரஞ்சித்

ஆனால், ஓர் ஆய்வு, நம் வீட்டில் பயன்படுத்தும் பல மின்சாதனங்களில் மின்விசிறிகள்தான் சுமார் 20 சதவீத மின்சாரத்தை உறிஞ்சிவிடுகின்றன என்று சொல்கிறது.

‘ஏசிதானே அதிகம் மின்சாரத்தை சாப்பிடும்’ என்று கேட்கும் மேதாவிகளுக்கு ‘ஏசி-யை விட எண்ணிக்கையிலும் பரவலிலும் மின்விசிறிகள் அதிகம் இருப்பதால் ஏசி உறிஞ்சும் மின்சாரத்துக்கு சமமாக மின்விசிறிகளும் இருக்கின்றன’ என்று சொல்கிறது அந்த ஆய்வு.

உதாரணமாக சுமார் 88 சதவீத வீடுகளில் ஒரு மின்விசிறியாவது இருக்கிறது என்பதே மின்
விசிறிகளின் தாக்கத்தை எடுத்துச் சொல்கிறது.

இப்படி வீட்டு மின்சாதனப் பொருட்களிலேயே துச்சமாக கருதப்படும் மின்விசிறிகளுக்குக் கடிவாளம் போடுவதன் மூலம் மின்சார நுகர்வையும், அதன் மூலம் கரியமில நச்சு வாய்வையும் கட்டுப்படுத்தவே ஒன்றிய அரசின் அமைப்பான பீரோ ஆஃப் எனர்ஜி எஃபிசன்சி - பி.இ.இ (Bureau of Energy Ffficiency) அதாவது தரமான எரிசக்திக்கான அமைப்பு சில ஆண்டுகளுக்கு முன் இறங்கியது.

நம் வீட்டில் உபயோகிக்கும் பல மின்சாதனப் பொருட்கள் ஸ்டார் ரேட்டிங் அடிப்படையில் சந்தையில் விற்கப்படுவதைப் பலர் அறிந்திருப்போம்.