ஹீரோயின் உயரமானவர்...எனவே ஸ்டூல் போட்டு நடித்தேன்!

இசையமைப்பாளர், இயக்குநர், தயாரிப்பாளர், 'சமூக ஆர்வலர் என பன்முகங்களுக்கு சொந்தக்காரர் விஜய் ஆண்டனி. இப்போது சுசீந்திரன் இயக்கத்தில் 'வள்ளி மயில்' முடித்துள்ளார்.

‘வள்ளிமயில்’ அனுபவம் எப்படி இருந்தது? 

சுசீந்திரன் மிகச் சிறந்த இயக்குநர். முதல் முறை அவர் கதைசொல்லும்போதே பிடித்திருந்தது. சிறந்த படத்தை உருவாக்குவதற்கு டெக்னிக்கலாகவும், படைப்பு ரீதியாகவும் அதிகம்மெனக் கெடல் எடுக்கக் கூடியவர்.

கதை சொல்லும்போது எப்படி ஆச்சரியத்தைக் கொடுத்தாரோ அதே ஆச்சரியம் படம் எடுக்கும் போதும் இருந்தது.

சரவண சக்தி என்ற போலீஸ் ஆபீஸர் ரோல் பண்றேன். எப்பொழுதும் இயக்குநர் என்ன சொல்கிறாரோ, அதை கண்ணை மூடிக்கொண்டு செய்வேன். லுக், கெட்டப், காஸ்ட்யூம் என எனக்கான எல்லாவற்றையும் இயக்குநர் கையில் ஒப்படைத்து விடுவேன். அந்த வகையில் நான் எப்போதும் இயக்குநரின் நடிகன்.

கேரக்டருக்காக என்னுடைய மெனக்கெடல் என்று எதுவும் இருக்காது. இயக்குநரின் தேவையை பூர்த்தி செய்வதுதான் என்னுடைய மெனக்கெடலாக இருக்கும்.

அந்த விதத்தில், ஒரு காவல் துறை அதிகாரியிடம் இருக்க வேண்டிய குணங்களான கண்டிப்பு, நேர்மை, மனிதாபிமானம், இரக்கம், கருணை நல்லவிதமான பழக்க வழக்கங்கள் என எல்லாம் கலந்ததாக சரவண சக்தி கேரக்டர் இருக்கும்.

ஃபரியா பேகத்துடன் டூயட் பாடிய அனுபவம் எப்படி?

ஃபரியா சிறந்த நடிகை நடனம் தெரிந்தவர். படப்பிடிப்பு சமயத்தில்தான் அவரைச் சந்தித்தேன். என்னைவிட உயரமானவர். உயரப் பிரச்னை வரும் போது ஸ்டூல் மேல் நின்று சரி செய்து கொண்டேன்.

சீனியர் நடிகர் சத்யராஜ் என்ன சொல்கிறார்?

சத்யராஜ் சாருடன் ஏற்கனவே எனக்கு நெருங்கிய பழக்கம் உண்டு. சீனியர் நடிகர் என்ற பந்தா இல்லாதவர். ஓய்வின் போது மிக சகஜமாக பேசுவோம்.

பொதுவாக சத்யராஜ் சார் தன்னை ஓர் இயக்குநரின் நடிகராகத்தான் வெளிப்படுத்துவார். இயக்குநர் என்ன சொன்னாலும் அதை அப்படியே கேட்கக் கூடியவர். ஏராளமான படங்கள் பண்ணிய அவர், அப்படிச் செய்யும்போது அது எனக்கு மிகுந்த ஆச்சரியத்தைக் கொடுக்கும்.

'வள்ளிமயில்’ படத்தில் அவ ருடன் நடித்தது மிக இனிமை யான அனுபவம். சுருக்கமாகச் சொல்வதாக இருந்தால் சத்ய ராஜ் சார் ஒரு நண்பரைப் போல் என்னிடம் பழகினார்.