இந்தியாவின் முதல் சைபர் ஃபேன்டஸி ஹாரர்!

"இந்தப் படம் முடியும்போது, உங்களுக்கு பக்கத்திலே இருக்க வங்க கிட்ட மொபைல் கொடுக்கவே தயங்குவீங்க..." துவக்கத்திலேயே சற்று பயம் கொடுக்கிறார் அறிமுக இயக்குநர் பி. பிரவீன்குமார்.

- ஷாலினி நியூட்டன்

இந்தியாவின் முதல் சைபர் ஃபேன்டஸி படமாக வரவிருக்கும் இப்படத்தின் டிரெய்லரில் தெரிந்த கிராஃபிக்ஸும், டெக்னாலஜியும் வெகுவாகக் கவர்கிறது. படம் குறித்து பல தகவல்களைப் பகிர்ந்துகொள்கிறார் இயக்குநர்.

"சில நண்பர்கள் ஒண்ணா சேர்ந்து அவங்களுக்கென ஒரு தனி மொபைல் சாப்ட்வேர் உருவாக்கி வீடியோ கால், சாட்டிங், அந்தரங்க பரிமாற்றம்... இதெல்லாம் செய்துட்டு இருக்காங்க.

100% பாதுகாப்பு என்கிற தைரியத்துடன் அந்த சாப்ட்வேரில் எந்தக் கடுப்பாடுகளும் இல்லாமல் ஜாலியாக பேசிக்கொண்டிருக்கும் நண்பர்கள் குழுக்கிடையே இன்னொரு மர்ம நபர் மூன்று நகும்.

அடுத்தது என்ன என்பதுதான் மீதிக் கதை. அந்தக் குறிப்பிட்ட சாப்ட்வேர் பெயர்தான் 'அமீகோ'... படத்தின் பெயருக்கான காரணம் இதுதான்.

'அமீகோ' என்றாலே நண்பர்கள் இன் என்கிற அர்த்தமும் வரும். அதற்காக டிஜிட்டலை அதிகம் பயன்படுத்தும் துறை ஊடகம் தான். அப்படியான ஊடக நண்பர்கள் தான் கதையின் நாயகர்கள்.