சுற்றுலாப் பயணிகளுக்காக இந்தோனேஷியாவில் அதிகரிக்கும் Contract Marriage!

திருமணம் சொர்க்கத்தில் நிச்சயிக்கப்படுவதாகச் சொல்வார்கள். இது இந்தியாவிற்கு மட்டுமல்ல மற்ற நாடுகளின் கலாசாரத்திலும் அப்படித்தான்.

திருமணம் ஓர் ஆசீர்வதிக்கப்பட்ட நிகழ்வாகவே கருதப் படுகிறது. ஒவ்வொரு ஆண்டும் திருமண நாளை வாழ்வின் மறக்கமுடியாத நாளாகக் கொண்டாடும் பழக்கம் அனைத்து நாட்டு மக்களிடமும் உள்ளது.

ஆனால், இந்தோனேஷியாவில் பொருளாதார வாய்ப்புகள் இல்லாத சில கிராமங்களில் இந்த ஆசீர்வாதம், சொர்க்கம், புனிதம் எல்லாம் துடைத்தெறியப்பட்டு இருக்கின்றன.

ஆம். அங்கே திருமணம் செழிப்பான தொழிலாக மாறியிருக்கிறது. இதனை, 'Pleasure marriage' எனக் குறிப்பிடுகின்றனர். அதாவது இன்பத் திருமணம்.

இந்தோனேஷியாவில் வளர்ந்து வரும் இந்தப் போக்கை சமீபத்தில் கண்டறிந்து வெளியுலகிற்கு தெரியப்படுத்திMஇருக்கிறது அமெரிக்காவின் 'லாஸ் ஏஞ்சல்ஸ் டைம்ஸ்' பத்திரிகை.