മുറ്റത്തെ മുല്ലയ്ക്ക് മണമില്ല റെജീനാ കാസൻഡ്ര

തെലുങ്കിൽ ഒട്ടേറെ സിനിമകളിൽ അഭിനയിക്കുന്നുണ്ട്

- അജയ്കുമാർ

റജീനാ കാസൻഡ്രോയെ തമിഴ് സിനിമ മാത്രമല്ല തെന്നിന്ത്യൻ സിനിമ തന്നെ ഹൃദയത്തിലേറ്റി. ഇതിനോടകം തന്നെ തമിഴ്, തെലുങ്ക്, കന്നഡ, മലയാളം എന്നീ ഭാഷകളിൽ മുപ്പതിൽപ്പരം സിനിമകളിൽ നായികയായി അഭിനയിച്ചുകഴിഞ്ഞു. അരഡസനോളം സിനിമകൾ റെജീനയുടേതായി പൂർത്തിയാവാനുണ്ട്. മോഹൻലാലിനൊപ്പം അഭിനയിച്ച സിദ്ധിക്കിന്റെ ബിഗ്ബദറാണ് റെജീന ഒടുവിൽ അഭിനയിച്ച മലയാള സിനിമ. ദക്ഷിണേന്ത്യൻ സിനിമയിൽ പറന്നുനടന്ന് അഭിനയിക്കാൻ സജ്ജമായിക്കൊണ്ടിരിക്കുന്ന റെജീന ആരാധകർക്കായി മനസ്സ് തുറന്നപ്പോൾ...

അരങ്ങേറ്റം തമിഴ് സിനിമയിലൂടെ, പക്ഷേ പ്രശസ്തയായതും തിരക്കുള്ള നടിയായതും അന്യഭാഷാ സിനിമകളിൽ. ഇതെങ്ങനെ സംഭവിച്ചു?

റെജീന തമിഴ് ചലച്ചിത്രവേദിക്കുള്ള ഒരു പ്രത്യേകത ഇവിടുത്തെ സിനി ഫീൽഡിൽ എന്ത് നടക്കുന്നുവെന്നത് അയൽപ്പക്കമായ ആന്ധ്ര, കേരളം, കർണ്ണാടകം എന്നിവിടങ്ങളിലും ബോളിവുഡ്ഡിലും ശ്രദ്ധിക്കുന്നുവെന്നതാണ്. തമിഴിലെ നല്ല സിനിമകൾ, അഴകുള്ള നായികനടിമാർ, കഴിവുള്ള ടെക്നീഷ്യൻസ് ഇവരെ കണ്ടാൽ വിളിച്ചുകൊണ്ടുപോയി അവിടെ അവസരം നൽകും. മുറ്റത്തെ മുല്ലയ്ക്ക് മണമില്ല എന്നുപറയും പോലെ നമ്മുടെ നാട്ടിൽ നമുക്ക് വലിയ വിലയുണ്ടാവില്ല.

അന്യഭാഷയിൽ നിങ്ങൾ പ്രശസ്തയായത് എങ്ങനെയാണ്?