ഇഷ്ടങ്ങളും അതിജീവനം

ഇന്ദ്രൻസേട്ടന്റെ നായികയായി തന്റെ അഭിനയകരിയർ തുടങ്ങിയ നികിതയുടെ ഏറ്റവും പുതിയ വിശേഷം ഒന്നാം സാക്ഷി പരേതനാണ്. അന്താ രാഷ്ട്ര ചലച്ചിത്ര വേദികളിൽ ശ്രദ്ധ നേടിയ ചിത്രത്തിൽ നായികയായി അഭിനയിച്ച അനുഭവം നികിത സംസാരിച്ചുതുടങ്ങി.

- ബിന്ദു പി.പി

ഷാജിയുടെ ഭാര്യ

ഒന്നാം സാക്ഷി പരേതനിലെ ഷാജിയുടെ ഭാര്യ ഞാനുമായി യാതൊരുവിധ ബന്ധവുമില്ലാത്ത ഒരാളാണ്. ഞാൻ എപ്പോഴും നിറയെ സംസാരിക്കുകയും ഉറക്കെ ചിരിക്കുകയുമെല്ലാം ചെയ്യുന്ന വളരെ വൈബ്രന്റായ ഒരാളാണ്. ഷാജിയുടെ ഭാര്യ നമുക്ക് എല്ലാവർക്കും പരിചയമുള്ള ഒരാളാണ്. ഭർത്താവ്, കുടുംബം ഇതിനപ്പുറം മറ്റൊരു ലോകത്തെക്കുറിച്ച് ചിന്തിക്കാത്ത ഒരു പെൺകുട്ടി. ഇമോഷണലി വളരെ വീക്കായ ഒരാൾ. കുടുംബം നേരിടുന്ന പ്രതിസന്ധികളോട് ഈ ഒരു പെൺകുട്ടിയുടെ പ്രതികരണം ചിത്രത്തിൽ കാ ണിക്കുന്നുണ്ട്. ഞാനുമായി യാതൊരുവിധ ബന്ധമില്ലെങ്കിലും ഷാജിയുടെ ഭാര്യ കടന്നുപോകുന്ന ഇമോഷനുകളിൽ ഗ്ലിസറിന്റെ ആവശ്യമില്ലാതെ കരയാൻ സാധിച്ചിട്ടുണ്ടായിരുന്നു. ആ ഒരു കഥാപാത്രത്തെ അത്രമാത്രം ഉള്ളിലേക്ക് എടുത്തതു കൊണ്ടായിരിക്കാം അതെനിക്ക് കഴിഞ്ഞത്.

സുഹൃത്ത് വഴി വന്ന സിനിമ