ഭാഗം തന്നെ ഫാലിമി

തീയേറ്ററിൽ ചിരിയുടെ ആവേശം പരത്തി മുന്നേറുന്ന ‘ഫാലിമി' എന്ന ചിത്രത്തിലെ അഭി എന്ന കഥാപാത്രത്തെ അവതരിപ്പിച്ച സന്ദീപ് പ്രദീപ് ജീവിതത്തിലെയും സിനിമയിലെയും വിശേഷങ്ങൾ പങ്കുവയ്ക്കുന്നു.

- അപ്പൂസ് കെ.എസ്

ഫാലിമിക്ക് കിട്ടുന്ന പ്രതികരണങ്ങൾ?

വളരെ മികച്ചതും സന്തോഷം തരുന്നതുമായ പ്രതികരണമാണ് ചിത്രത്ത സംബന്ധിച്ച് ലഭിക്കുന്നത്. എല്ലാവർക്കും നല്ല അഭിപ്രായം. സർപ്രൈസ് ആയി തിയേറ്റർ വിസിറ്റ് ചെയ്യുമ്പോൾ ഞങ്ങൾക്കും അതൊരു വല്ലാത്ത അനുഭവമായിരുന്നു.

വീട്ടിലും ആ അനിയൻ കഥാപാത്രം പോലെയാണോ?

 സിനിമയിലെ അഭിയുമായി ചില കാര്യങ്ങളിലൊക്കെ കണക്ഷനുണ്ട്. ഇത് എന്റെ മൂന്നാമത്തെ ചിത്രമാണ്. ഒരു സിനിമയുടെ പ്രൊമോഷനുമായി ബന്ധപ്പെട്ട് ഓടിനടക്കുന്നത് ഇപ്പോഴാണ്. അതിന്റെ ഒരു സന്തോഷമുണ്ട്. എന്റെ വീട്ടുകാരും വലിയ സന്തോഷത്തിലാണ്. കാരണം ഇത് ആദ്യമാണ് ഇത്തരം അനുഭവമൊകെ.

സിനിമയിലെ അപ്പൂപ്പനും മോനും ഓഫ് സ്ക്രീനിലും കമ്പനിയാണോ?

അതെ, ലൊക്കേഷനിൽ ഞങ്ങൾ നല്ല കമ്പനിയായിരു ന്നു. അപ്പൂപ്പൻ നമ്മളെപ്പോലെ തന്നെയായിരുന്നു പെരുമാറുന്നത്. ഞങ്ങൾ ഒരു റൂമിലായിരുന്നു ഒരുമിച്ച് താമസിച്ചിരുന്നത്. അത്രയധികം കമ്പനിയായിരുന്നു ഞങ്ങൾ രണ്ടുപേരും. എന്റെ പ്രായത്തിലുള്ള ഒരാളെപ്പോലെ ആയിരുന്നു സെറ്റിൽ അപ്പൂപ്പൻ പെരുമാറിയത്. ചിരിച്ചും കളിച്ചും കഥകൾ പറഞ്ഞും നല്ല രസമായിരുന്നു. രാവിലെ എഴുന്നേറ്റ് ചായ കുടിക്കാൻ ഒരുമിച്ച് പുറത്തു പോകും. ശരിക്കും കൂട്ടുകാരെപ്പോലെയായിരുന്നു. കുറേയധികം വിശേഷങ്ങൾ പറയും. 50 വർഷം കൊണ്ട് നാടകരംഗത്ത് പ്രവർത്തിക്കുന്ന പ്രഗത്ഭനായ ഒരാളാണ് അപ്പൂപ്പൻ. അതിനാൽ കഥകൾ പറയാൻ ഒരുപാടുണ്ട്. ആ എക്സ്പീരിയൻസ് വളരെ വലുതായിരുന്നു.

എങ്ങനെയായിരുന്നു ലൊക്കേഷനിലെ കാലാവസ്ഥ?