മമ്മൂക്കയുടെ ആദ്യനായകൻ

കഴിഞ്ഞവർഷം മലയാളികളുടെ മനംകവർന്ന കാതൽ തങ്കൻ കോഴിക്കോട്ടുകാരുടെ സ്വന്തം സുധി

- ബിന്ദു.പി.പി 

തീയേറ്ററുകളിൽ തങ്കൻ എല്ലാവരുടേയും കണ്ണ് നിറച്ചുവെന്ന് പറയുമ്പോഴും എന്റെ കണ്ണ് നിറപ്പിച്ചത് മാത്യുവും അയാൾ ജീവിച്ചുവന്ന ഡിസ്കംഫർട്ടായ ജീവിതവുമാണ്. എല്ലാ പ്രിവിലേജുകളോടും ജീവിച്ചുവന്ന മാത്യുവിന്റെ ജീവിതത്തിനോട് ചേർന്നുനിൽക്കുന്നവരെല്ലാം സ്നേഹം കൊണ്ട് അയാളെ പൊതിയുകയാണ്. ആ സ്നേഹത്തിൽ നിന്നുകൊണ്ട് സ്വന്തം സ്വത്വത്തിലേക്ക് പരിണമിക്കാൻ ബുദ്ധിമുട്ടുന്ന മാത്യു. ഇന്ന് എന്റെ കൂടെ കിടക്കുമോയെന്ന് ഓമന ചോദിക്കുമ്പോൾ കരയുന്ന തെറ്റുപറ്റിയെന്ന് പറഞ്ഞ് ചാച്ചൻ മാത്യുവിനെ കെട്ടിപ്പിടിച്ച് കരയുമ്പോൾ അയാൾ ലൗഡായി കരയുന്ന സീൻ.. അതോർക്കുമ്പോൾ എന്നിൽ ഉണ്ടാകുന്ന വിങ്ങൽ അത് പറഞ്ഞറിയിക്കാവുന്നതിലും വലുതാണ്. ഓമനയും അവളുടെ വേദനയും ഇപ്പോഴും എന്നെ അലട്ടിക്കൊണ്ടേയിരിക്കുന്നു.. സ്നേഹം.. അതുതന്നെയാണ് ഓരോരുത്തരിലൂടെയും നിറഞ്ഞുനിൽക്കുന്നത്. 2023 ൽ ജിയോ ബേബി സംവിധാനം ചെയ്ത കാതൽ ദി കോർ എന്ന വിപ്ലവ ഹിറ്റിലൂടെ മലയാളികളുടെ ഹൃദയത്തിൽ ചേക്കേറിയ തങ്കൻ എന്ന വേഷത്തെ അവിസ്മരണീയമാക്കിയ സുധി കോഴിക്കോട് പോയകാലത്തെക്കുറിച്ചും തങ്കനെക്കുറിച്ചും സംസാരിക്കുന്നു....

തങ്കൻ ഒരു ഉത്തരവാദിത്തമാണ്