പാൻ ഇന്ത്യൻ ചിത്രങ്ങളുടെ തേരോട്ടം

2023 പ്രേക്ഷകരെ അത്ഭുതപ്പെടുത്തുന്ന ഒരുപാട് കഥാപാത്രങ്ങളിൽ സൃഷ്ടിച്ചെടുക്കാൻ സംവിധായകർക്ക് സാധിച്ചി രുന്നു. മലയാളം, തമിഴ്, തെലുങ്ക്, കന്നഡ, ഹിന്ദി തുടങ്ങിയ ഭാഷകളിൽ ഒട്ടേറെ ചിത്രങ്ങൾ ആയിരുന്നു 2025- ൽ പുറത്തിറങ്ങിയത്. വാർത്താപ്രാധാന്യമേറിയതും സിനിമകളിൽ നിറഞ്ഞുനിന്നതും ചർച്ച ചെയ്യപ്പെട്ടതുമായ കഥാപാത്രങ്ങൾ 2025-ൽ ജനിക്കുകയും പ്രേക്ഷകർ ഇരുകയ്യും നീട്ടി സ്വീകരിക്കുകയും ചെയ്തിരുന്നു.

നയൻതാര

ബിസിനസ്സിലെ ഏറ്റവും ശക്തയായ നടി എന്ന പേര് സ്വന്തമാക്കിയിരിക്കുകയാണ് 2023 ൽ തെന്നിന്ത്യൻ ലേഡി സൂപ്പർസ്റ്റാർ നയൻതാര. ഇന്ത്യയിലെ തന്നെ ശക്തരായ മൂന്ന് സ്ത്രീ സംരംഭകരുടെ പേരിനൊപ്പമാണ് നയൻതാരയുടെ പേരുകൂടി പ്രമുഖർ എഴുതിച്ചേർത്തത്. അഭിനയത്തിൽ മാത്രമല്ല ബിസിനസ് രംഗത്തും താൻ തിളങ്ങാൻ ഒരുങ്ങുകയാണെന്ന് നയൻസ് പ്രഖ്യാപിച്ച വർഷമായിരുന്നു 2023. നയൻ സ്കിൻ എന്ന പേരിൽ സ്വന്തം ബ്യൂട്ടി ബാൻഡും താരം ആരംഭിച്ചത് ഈ വർഷമാണ്. അതോടൊപ്പം തന്നെ സമൂഹമാധ്യമങ്ങളിലും അക്കൗണ്ടുകൾ സ്ഥാപിക്കുകയും ചെയ്തു. ഈ സന്തോഷങ്ങൾക്കൊപ്പമായിരുന്നു അഭിനയജീവിതത്തിലും 100 മേനിയുടെ തിളക്കം നേടിയെടുത്തത്. 2003 ൽ കരിയർ ആരംഭിച്ച നയൻതാര യുടെ ബോളിവുഡ് അരങ്ങേറ്റം 2023 ൽ ആയിരുന്നു. ആദ്യബോളിവുഡ് ചിത്രത്തിൽ തന്നെ ഷാരൂഖ് ഖാന്റെ നായികയായി. ചിത്രത്തിൽ നർമ്മദ റായ് എന്ന കഥാപാത്രത്തെയായിരുന്നു നയൻതാര അഭിനയിച്ചത്. കൂടാതെ ഇരൈവൻ അന്നപൂർണ്ണി എന്ന ചിത്രവും 2023 ൽ നയൻതാരയുടേതായി പുറത്തിറങ്ങിയ തമിഴ്ചിത്രമായിരുന്നു.

ദീപിക പദുകോൺ 

പത്താൻ, ജവാൻ എന്നീ രണ്ട് സൂപ്പർഹിറ്റുകൾ സമ്മാനിച്ച ദീപികയ്ക്ക് 2023 വിജയകരമായ വർഷമായിരുന്നു. രണ്ട് ചിത്രങ്ങളും 1000 ലധികം കോടി ബിസിനസ്സ് ആണ് നേടിയെടു ത്തത്. പത്മാവത്, ബാജിറങ്കി മസ്താനി, ഹാപ്പി ന്യൂ ഇയർ, ചെന്നൈ എക്സ്പ്രസ് തുടങ്ങിയ ചിത്ര ങ്ങളിലൂടെ ഏറ്റവും അധികം പണമുണ്ടാക്കുന്ന ബോളിവുഡ് നടിമാരിൽ ഒരാളായി ദീപിക മാറിയിരുന്നു. എന്നാൽ തുടക്കകാലത്ത് കരിയറിൽ ഒരു പാട് ബുദ്ധിമുട്ടുകളും അനുഭവിച്ചിട്ടുണ്ടെങ്കിലും 2023നോട് അടുക്കുമ്പോൾ ബോളിവുഡ്ഡിലെ ഏറ്റവും മികച്ച ഹിറ്റുകൾ നേടിയെടുത്ത നായികയായും ഏറ്റവും വലിയ പ്രതിഫലം വാങ്ങുന്ന നായികയായും ദീപിക മാറിയിരിക്കുകയാണ്.

രശ്മിക മന്ദാന

ഇക്കൊല്ലത്തെ 10 ന്യൂസ് ലിസ്റ്റ് എടുത്താൽ അതിൽ വരുന്ന ഒരു പേര് രശ്മിക മന്ദാനയുടേതായിരിക്കും. അനിമൽ എന്ന ഹിറ്റ് ചിത്രത്തിലൂടെ രശ്മിക ബോളിവുഡ്ഡിന്റെ പ്രിയനായികയായി മാറിയിരിക്കുകയാണ്. ക്യൂട്ട് നായികയിൽ നിന്നും രശ്മികയ്ക്ക് പരിണാമം സംഭവിച്ചു കൊണ്ടിരിക്കുകയാണ് എന്നാണ് ആരാധകരുടെ വിലയിരുത്തൽ.