മാധ്യമപ്രവർത്തനത്തിൽ നിന്നും ബോക്സ് ഓഫീസ് വിജയങ്ങൾക്കൊപ്പം

പി.ആർ.ഒ പ്രതീഷ് ശേഖർ മനസ്സ് തുറക്കുന്നു

എങ്ങനെയാണ് മലയാള സിനിമയിലെ പി.ആർ.ഒ റോളിലെത്തുന്നത്?

 കോവിഡിന്റെ പ്രതിസന്ധിയിൽ അവസാനം സെലിബ്രിറ്റി മാനേജർ ആയി ജോലി നോക്കിയ ചാനലിൽ നിന്ന് ഇറങ്ങിയപ്പോൾ ജയ സൂര്യ ചേട്ടന്റെ വെള്ളം എന്ന സിനിമ റിലീസിന് തയ്യാറെടുക്കുക ആയിരുന്നു. ജയേട്ടന്റെ പി.ആർ കാര്യങ്ങൾ നോക്കാൻ വേണ്ടി ചേട്ടൻ ആദ്യ അവസരം നൽകി. പി.ആർ. റോളിന് ആദ്യ പ്രതിഫലം തരുന്നത് ജയേട്ടനാണ്. കോവി ഡിന്റെ ഈ പീക്ക് ടൈമിൽ അജു വർഗ്ഗീസിന്റെ സാജൻ ബേക്കറി എന്ന സിനിമയുടെ ഭാഗമായി വ്യത്യസ്ത പ്രൊമോഷൻ പ്ലാനുകൾ ഒക്കെ സ്വീകരിച്ച് ആ ചിത്രത്തിന്റെ ഭാഗമായി. പിന്നെ നായാട്ട്, ചതുർമുഖം തുടങ്ങിയ ചിത്രങ്ങൾ. എസ്.എസ്.രാജമൗലിയുടെ ബ്രഹ്മാണ്ഡ ചിത്രം ആർ. ആർ.ആർ, എസ്.ജെ സിനുവിന്റെ തേര് തുടങ്ങിയ ചിത്രങ്ങൾ ലഭിച്ചു. ആർ.ആർ.ആർ എന്ന ചിത്രത്തിനുവേണ്ടി ആവിഷ്ക്കരിച്ച പ്രൊമോഷൻ പ്ലാനുകൾ ഹിറ്റായി.

കോവിഡിന്റെ മൂർദ്ധന്യത്തിൽ സിനിമാമേഖലയിലെ എല്ലാവരുടേയും സ്വപ്നങ്ങൾ തകർന്നതു പോലെ എന്റെയും പി.ആർ. സ്വപ്നങ്ങൾ തകർന്നു. ഈ ജോലി ചെയ്യാൻ ഫെഫ്കോ അംഗീകാരം വേണമെന്ന നിബന്ധന വന്നപ്പോൾ കോവിഡിന്റെ സമയത്ത് ചെയ്ത ചിത്രങ്ങളുടെ പി.ആർ.ഒ റോളിന്റെ ഭാഗമായി ചെറിയ ഓൺലൈൻ ചാനൽ ആക്ടിവിറ്റിയും എഴുത്തും ഒക്കെയായി ഒതുങ്ങിക്കൂടി. കോവിഡിന്റെ മുറവിളി ഒന്ന് അടങ്ങിയപ്പോൾ എന്റെ പി. ആർ.ഒ റോളിന് പുതുജീവൻ നൽകിയത് കമലഹാസൻ സാറിന്റെ വിക്രം ആയിരുന്നു.

ഏതൊക്കെയാണ് പുതിയ പ്രോജക്ടുകൾ