വിശ്വാസങ്ങളിലൂടെ ഒരു ജാതിജാതകം

വിരലിലെണ്ണാവുന്ന ചിത്രങ്ങൾ, അതെല്ലാം കലാപരവും സാമ്പത്തികവുമായ വിജയങ്ങൾ നേടിയതും, എം.മോഹനൻ എന്ന സംവിധായകനെ മലയാള സിനിമയിൽ അടിവരയിട്ട് രേഖപ്പെടുത്താൻ പോന്നവയുമായിരുന്നു. ഇപ്പോഴിതാ എം. മോഹനൻ തന്റെ പുതിയ ചിത്രവുമായി കടന്നുവരുന്നു. ചിത്രം ഒരു ജാതി ജാതകം.

- വാഴൂർ ജോസ്,

വിരലിലെണ്ണാവുന്ന ചിത്രങ്ങൾ, അതെല്ലാം കലാപരവും സാമ്പത്തികവുമായ വിജയങ്ങൾ നേടിയതും, എം.മോഹനൻ എന്ന സംവിധായകനെ മലയാള സിനിമയിൽ അടിവരയിട്ട് രേഖപ്പെടുത്താൻ പോന്നവയുമായിരുന്നു. ഇപ്പോഴിതാ എം. മോഹനൻ തന്റെ പുതിയ ചിത്രവുമായി കടന്നുവരുന്നു. ചിത്രം ഒരു ജാതി ജാതകം.

കലാപരവും സാമ്പത്തികമായി മികച്ച വിജയം നേടിയ അരവിന്ദന്റെ അതിഥികൾ എന്ന ചിത്രത്തിനുശേഷം എം. മോഹനൻ ഒരുക്കുന്ന ചിത്രമെന്ന നിലയിലും ഈ ചിത്രത്തിന് ഏറെ പ്രാധാന്യമുണ്ട്. വർണ്ണചിത്രയുടെ ബാനറിൽ മഹാസുബൈറാണ് ഈ ചിത്രം നിർമ്മിക്കുന്നത്.

തലശ്ശേരിക്കാരനായ ഒരു യുവാവിന്റെ ജീവിതത്തെ പ്രധാനമായും കേന്ദ്രീകരിച്ചാണ് ഈ ചിത്രത്തിന്റെ അവ തരണം. ജയേഷ് എന്നാണ് കഥാപാത്രത്തിന്റെ പേര്.

ചെന്നൈയിൽ ഒരു മാഗസിന്റെ കോപ്പി റൈറ്ററായി വർക്ക് ചെയ്യുന്ന ജയേഷിന്റെ ജീവിതത്തിൽ വന്നുചേരുന്ന സംഭവങ്ങളാണ് തികഞ്ഞ നർമ്മ മുഹൂർത്തങ്ങളിലൂടെ അവതരിപ്പിക്കുന്നത്. വിനീത് ശ്രീനിവാസൻ എന്ന നടനിലെ നർമ്മ മുഹൂർത്തങ്ങൾക്ക് ഏറെ പ്രാധാന്യം നൽകിയുള്ള രസകരമായ ഒരു കഥാപാത്രമാണിത്.