എക്സ്സ്റ്റെമെന്റ് നിറഞ്ഞ ജീവിതയാത്ര

ആനന്ദപുരം ഡയറീസിലൂടെ അഭിനയരംഗത്തേയ്ക്ക് എത്തിയ ശിഖ സന്തോഷ് 'നാന'യോടൊപ്പം...

- ബിന്ദു പി.പി

ചെറുപ്പം മുതൽ കണ്ടുവളർന്ന, അത്രയധികം ആരാധിച്ചിരുന്ന അഭിനേതാക്കളെ കാണുക എന്നതിലുപരി അവർക്കൊപ്പം അഭിനയിക്കുക എന്നത് എന്നെ സംബന്ധിച്ച് ഭാഗ്യവും ഒപ്പം ടെൻഷനുമുള്ള കാര്യമായിരുന്നു. സൗത്ത് ഇന്ത്യയിലെ എല്ലാ സൂപ്പർ താരങ്ങൾക്കൊപ്പം നായികയായി അഭിനയിച്ച അഭിനേത്രിയാണ് മീനമാം. അവർക്കൊപ്പം എനിക്ക് സ്ക്രീൻ ഷെയർ ചെയ്യാൻ കിട്ടിയ അവസരത്തെ ഭാഗ്യമായി കാണാൻ തന്നെയാണ് എനിക്ക് ഇഷ്ടം. ആരും കൊതിക്കുന്ന പോലെ ഒരു തുടക്കമാണ് എന്റേത്. ഇത്രയും വലിയ ടീമിനൊപ്പമുള്ള തുട ക്കം. ആനന്ദപുരം ഡയറീസും റെബേക്കയും എനിക്ക് എപ്പോഴും സ്പെഷ്യലായിരിക്കും.

തുടക്കം ഭാഗ്യമാണ്

തുടക്കം നല്ലൊരു സിനിമയുടെ ഭാഗമാവുക എന്നത് ഭാഗ്യമായ കാര്യമാണ്. നൃത്തം ചെറുപ്പം മുതൽ കൂടെയുണ്ട്. ഇൻസ്റ്റഗ്രാം വഴി റെബേക്ക എന്ന കഥാപാത്രത്തിനെ തിരയുകയായിരുന്നു ആനന്ദപുരം ടീം. ഡാൻസ് റീലും ഒരു പരസ്യചി ത്രവും കണ്ടാണ് ആനന്ദപുരം ഡയറീസിലേക്ക് കാൾ വരുന്നത്. മീനമാം, ജാഫർ ഇക്ക, സുധീർ കരമന, മനോജ് കെ. ജയൻ, സിദ്ധാർത്ഥ് ശിവ.. തുടങ്ങിയ വലിയ താരനിരയ്ക്കൊപ്പം വർക്ക് ചെയ്യുക എന്നതുതന്നെ എന്നെ സംബന്ധിച്ച് വലിയ കാര്യമാണ്.

റെബേക്ക സ്പെഷ്യലാണ്