സിനിമകളും സീരിയലുകളും വ്യത്യാസങ്ങളറെ നീനകുറുപ്പ്

സിനിമയിലും സീരിയലിലും ഒരുപോലെ എന്ന രീതിയിൽ അഭിനയിച്ചു കൊണ്ടിരിക്കുന്ന നടിയാണ് നീന. മൂന്ന് ദശാബ്ദങ്ങൾക്കും മുമ്പ് മലയാള സിനിമയിലെ യുവത്വം നിറഞ്ഞ നായികനടിയായിരുന്നു നീന. അതും സുപ്പർസ്റ്റാർ മമ്മൂട്ടിയുടെ നായിക. സത്യൻ അന്തിക്കാട് സംവിധാനം ചെയ്ത "ശ്രീധരന്റെ ഒന്നാം തിരുമുറിവ്' ആയിരുന്നു ആ സിനി 2. നീനയെ ശ്രദ്ധേയമാക്കിയ മറ്റൊരു ചിത്രം 'പഞ്ചാബി ഹൗസായിരുന്നു. പിന്നെ ഹേയ് ജൂഡ്...ഇങ്ങനെ വിരലിലെണ്ണാവുന്ന സിനിമകൾ...

'ശ്വാസം' സിനിമ യുടെ വിശ്രമവേളയിൽ ഒരു ചോദ്യം നീനാക്കുറുപ്പിനോട്....

മിനിസ്ക്രീനിലും ബിഗ് സ്ക്രീനിലും ഒരുപോലെ എന്ന രീതിയിലാണ് നീന അഭിനയിക്കുന്നത്. ചിലരാകട്ടെ, മിനി സ്ക്രീൻ രംഗം വിട്ട് സിനിമയിലേക്ക് വരാറേയില്ല. ചിലർ സിനിമ മാത്രമേ ചെയ്യൂ. ഇങ്ങനെ പല അഭിരുചിയുള്ളവരാണ് അഭിനേതാക്കൾ. നീന രണ്ടുവശത്തും അഭിനയിക്കുന്നതു കൊണ്ട് ചോദിക്കട്ടെ, അഭിനയം ഏകദേശം ഒരുപോലെയാണെങ്കിലും രണ്ട് മേഖലയിലെയും അനുഭവങ്ങൾ വ്യത്യസ്തമായിരിക്കുമല്ലോ. അതിനെക്കുറിച്ചൊന്ന്?

നീനക്കുറുപ്പ്: വ്യത്യാസങ്ങളുണ്ട്. സിനിമയിൽ അഭിനയിക്കുമ്പോൾ ഒരു ദിവസം ചിലപ്പോൾ ഒന്നോ രണ്ടോ മൂന്നോ സീൻ മാത്രമായിരിക്കും ഷൂട്ട് ചെയ്യുക. നമുക്ക് റെലാക്സായി അഭിനയിക്കാം. എന്നാൽ സീരിയൽ അങ്ങനെയല്ല. വളരെ വേഗത്തിലായിരിക്കും ഷൂട്ട് നടക്കുക. കുറെ സീനുകൾ ഒരു ദിവസം കൊണ്ട് തീർക്കേണ്ടതായിവരും. അവർക്കൊരു ടാർജറ്റുണ്ടാകും. അതുകൊണ്ട് ആ ടൈമിനുള്ളിൽ തീർക്കേണ്ടതായി വരും. അഭിനയത്തിന്റെ കാര്യത്തിൽ സീരിയലുകളിലെ കഥാ പാത്രങ്ങളിൽ നിന്നായിരിക്കും നമുക്ക് കൂടുതൽ ഇമോഷൻസ് കിട്ടുന്നത്. സിനിമയാകുമ്പോൾ രണ്ടുമണിക്കൂറിനുള്ളിൽ കഥ പറയുമ്പോൾ ഒരുപാട് കഥാപാത്രങ്ങളുടെ ഇമോഷൻസ് കാണിക്കേണ്ടതായി വരുമല്ലോ. ഒരു ചട്ടക്കൂട്ടിനുള്ളിൽ നിർത്തിയിട്ടു വേണം എല്ലാ കഥാപാത്രങ്ങളെയും അവതരിപ്പിക്കുവാൻ. സീരിയൽ പക്ഷേ, അങ്ങനെയല്ല. ഇന്ന് അല്ലെങ്കിൽ നാളെ പെർഫോം ചെയ്യാനുള്ള അവസരം നമുക്ക് ലഭിക്കും.