ട്രാഫിക്ക് ബ്ലോക്ക് ഉണ്ടാക്കിയ ട്രാഫിക്ക് പോലിസ്

കോവിഡ് കാലം എനിക്കൊരു പോസിറ്റീവ് കാലം ആയി മാറി.

- രജനി കൃഷ്ണ

കുട്ടിക്കാലത്തെ സിനിമയെ ഒരു അത്ഭുതമായി നോക്കിക്കണ്ടിരുന്ന എന്റെ മനസ്സിൽ സിനിമാനടൻ ആകണം എന്ന ആഗ്രഹം അന്നെ ഉടലെടുത്തിരുന്നു. സിനിമാ വാർത്തകളും സിനിമയിലേക്കുള്ള അഭിനേതാക്കളെ ക്ഷണിക്കുന്ന പത്രക്കട്ടിംഗുകളും സൂക്ഷിച്ചുവയ്ക്കാനും, അവയെ തേടി പോകാനും തുടങ്ങി. എട്ടാമത്തെ വയസ്സിലാണ് ആദ്യമായി ഒരു സിനിമ ഓഡിഷന് പങ്കെടുക്കുന്നത്. ഓഡിഷന് പോകുന്നത് സ്ഥിരം ആയതോടെ നാട്ടിൽ എല്ലാവരും ഒരേ സ്വരത്തിൽ പറഞ്ഞു 'ഗോപിയണ്ണന്റെ മകൻ സിനിമാക്കാരൻ ആയെന്ന്...' പണ്ട് ആരോ പറഞ്ഞ ആ വാക്കുകൾ ഇന്ന് സത്യമാണ്. ഗോപിയണ്ണന്റെ മകൻ ജിബിൻ ഇന്ന് തിരക്കുള്ള സിനിമാക്കാരൻ തന്നെയാണ്.