മുത്തച്ഛന്റെ തങ്കലിപികൾ സ്വന്തമാക്കിയ കൊച്ചുമകൾ

രണ്ട് ദശാബ്ദക്കാലങ്ങൾക്കു മുൻപുള്ള ഒരു പകലിന് നല്ല തെളിച്ചമുണ്ടായിരുന്നു. ഭാഗ്യത്തിന്റെ വഴി വന്ന ദിവസം. പാട്ടുകൾക്കിടയിലൂടെയുള്ള സഞ്ചാരത്തിനിടയിലാണ് അപർണ്ണ രാജീവ് ആ ദിനം ധന്യമായ ഒരു പുണ്യദിനമായിരുന്നുവെന്ന് തിരിച്ചറിയുന്നത്. പാട്ടിന്റെയും പാട്ടുവരികളുടെയും സംഗീതത്തിന്റെയും ലോകത്ത് മറ്റാർക്കും ലഭി ക്കാത്ത കുറെ ഭാഗങ്ങൾ തനിക്ക് കിട്ടിയിട്ടുണ്ടെന്ന് അപർണ്ണ ഓർത്തെടുക്കുമ്പോൾ ആ മുഖത്ത് ചിരി വിടരുന്നു. മുത്തച്ഛന്റെ തങ്കലിപികൾ ഒരു സിനിമാഗാനമായി വരുമ്പോൾ അത് പാടാനുള്ള അവസരം എനിക്ക് കിട്ടിയത് ജീവിതത്തിലെ ഏറെ വിസ്മയകരമായ അനുഭവമായിരുന്നുവെന്ന് കൊച്ചുമകൾ അപർണ്ണ രാജീവ് ഇന്ന് വിലയിരുത്തുന്നു.

- ജി. കൃഷ്ണൻ

പ്രശസ്ത കവിയും ഗാനരചയിതാവുമായ ഒ.എൻ.വി. കുറുപ്പ് ഒരിക്കൽ എഴുതിയിരുന്നു..

അരികിൽ നീ ഉണ്ടായിരുന്നെങ്കിലെന്നു ഞാൻ...ഒരുമാത്ര വെറുതെ നിനച്ചുപോയി...'

ഇന്ന്, മലയാളികളായ സംഗീതപ്രേമികളടക്കം കൊച്ചുമകൾ അപർണ്ണയും മോഹിച്ചുപോകുകയാണ്, ആ വരികളെഴുതിയ ആൾ ഇന്ന് നമ്മുടെ അരികിൽ ഉണ്ടായിരുന്നെങ്കിൽ ....! ഒരുനിമിഷം വെറുതെ അങ്ങനെ മോഹി ച്ചുപോകുകയാണ്...

മുത്തച്ഛന്റെ വരികളിലൂടെ പാട്ടുരംഗ ത്തേയ്ക്ക് കടന്നുവന്ന അപർണ്ണ രാജീവ് സമൃദ്ധമായ ഈ ഓണക്കാലത്ത് മുത്ത ച്ഛന്റെ പാട്ടുകളെക്കുറിച്ചും ഓണപ്പാട്ടുകളെ ക്കുറിച്ചുമൊക്കെ പറയുകയാണിവിടെ.

2004 ലാണ് ഞാനാദ്യമായി സിനിമയിൽ പാടുന്നത്. ആ സിനിമ 2005 ൽ റിലീസായി. മെയ്ഡ് ഇൻ യു.എസ്.എ അതായിരുന്നു ആ സിനിമ. പുന്നെല്ലിന്റെ കതിരാ എന്നുതുടങ്ങുന്ന ആ വരികൾ മുത്തച്ഛന്റെതായിരുന്നു. ഈണം വിദ്യാസാഗറിന്റേതും.

ഇരുപത് വർഷങ്ങളിലെ ഇന്നലെകളിലേയ്ക്ക് തിരിഞ്ഞുനോക്കുമ്പോൾ എനിക്ക് ഒരുപാട് നല്ല നല്ല പാട്ടുകൾ പാടാൻ കഴി ഞ്ഞു. ഒരുപാട് ഭാഗ്യങ്ങളും കിട്ടിയിട്ടുണ്ട്. ആദ്യഗാനം തന്നെ മുത്തച്ഛന്റെ വരികളി ലൂടെ പാടി തുടങ്ങാൻ കഴിഞ്ഞത് ഒരു വലിയ ഭാഗ്യമായി ഞാൻ കാണുന്നു. അപർണ്ണ പറഞ്ഞു.

ആ ഇന്നലെകളിലെ സൗഭാഗ്യങ്ങളെക്കുറിച്ച് പറയാമോ?