തണുപ്പിന്റെ കാഴ്ചകൾ

പുതുമുഖങ്ങളായ നിധീഷ്, ജിബിയ എന്നിവരെ പ്രധാന കഥാപാത്രങ്ങളാക്കി ഛായാഗ്രാഹകനായ രാഗേഷ് നാരായണൻ സംവിധാനം ചെയ്യുന്ന ചിത്രമാണ് തണുപ്പ്.

-  എ.എസ്. ദിനേശ്

കുന്നുകളും നദികളും കൊണ്ട് അനുഗൃഹീതമായ മനോഹരമായ ഒരു ഗ്രാമത്തിലേക്കാണ് നവദമ്പതികളായ പ്രതീഷും ട്രീസയും എത്തുന്നത്. ഗ്രാമീണനായ പ്രകാശന്റെ സഹായത്തോടെ അവർ അവിടെ വാടകമുറിയിൽ താമസം തുടങ്ങുന്നു. പ്രകാശന്റെ കമ്പനിയിൽ പെയിന്ററായി ജോലിയും കിട്ടി. യുവദമ്പതികളെ ഗ്രാമവാസികൾ ഇഷ്ടപ്പെടുന്നുണ്ടെങ്കിലും, പ്രതീഷിലും ട്രീസയിലും എന്തോ ദുരൂഹതയുണ്ടെന്ന് അവർക്ക് തോന്നുന്നു. അന്യന്റെ സ്വകാര്യതയിലേക്ക് ഒളിഞ്ഞുനോക്കാനുള്ള മനുഷ്യന്റെ ഗൂഢമായ പ്രവണതയെ അതിശക്തമായി ചർച്ച ചെയ്യുന്ന സിനിമയാണ് തണുപ്പ്.