தன் வினை தன்னை சுடும்!

ஆபீசில் இருந்து வீடு  ராஜாராமனின் முகத்தில் மகிழ்ச்சி நிரம்பி இருந்தது. வீட்டிற்குள் கால் வைத்தவுடன் உரத்த குரலில் தன் மனைவியை அழைத்தான், "சரிதா... சரிதா... எங்கிருக்கிறாய்?''

- வ.சிவகுமார்

"ஏன் இப்படி கத்துறீங்க?" வேஷ்டி சட்டை அங்கு ஆணியில் மாட்டி இருக்கிறதே..ஆனால் இருங்க..இப்போது டிரெஸ் மாற்ற வேண்டாம்." என சரிதா உள்ளிலிருந்து குரல் கொடுத்தாள்.

"ஏன்?" என்றான் ராஜாராமன்.

சரிதா சிரித்தபடி, "ஏனெனில் உங்களுக்கு இப்போது காபி குடிக்கும் ஆசை இருக்கும். ஒரு காரியம் பண்ணுங்க, பக்கத்து வீட்டு துர்கா சித்தி வீட்டுக்கு போயிட்டு வாங்க.  சித்தாப்பாவுக்கு நேற்று முதல் ஜூரமாக உள்ளது. உடல் நிலை விசாரிக்க போவது போல சென்றால் டீ கூட ஸ்நாக்ஸும் கிடைக்கும்." என்று கூறினாள், மேலும் அவள், "நாளை காலையில் இருவருமே அங்கு சென்று காபி டிபன் வேலையை முடித்துக் கொள்ளலாம்.

இன்று மதியம் முழுவதும் உட்கார்ந்து பேசிக் கொண்டிருந்தேன். 2 முறை டீ கூட கொடுத்தார்கள், வரும் போது 6 ஆரஞ்ச் பழங்களை எடுத்து வந்தேன்" என்றாள்.

'ஆரஞ்ச் பழமா?" எனக் கேட்டார் ராஜாராமன்.

சரிதா சிரித்தபடி,"ஆம்.. சித்தாப்பாவின் உடல்நிலை பற்றி விசாரிக்க பலர் வந்து போனார்கள். முக்கால்வாசி நபர்கள் ஆரஞ்ச் பழங்களை கொண்டு வந்தனர். நான் சித்தி காதில் ரகசியமாக, சிலவகை ஜுரத்தில் ஆரஞ்ச் பழம் விஷம் போல் எதிர் விளைவு ஏற்படுத்தும் எனக் கூறினேன். உடனடியாக பயந்து கொண்டு சித்தி அவ்வளவு ஆரஞ்ச் பழங்களையும் எனக்கு மற்றும் அக்கம் பக்கத்தினருக்கும் விநியோகம் செய்தார்" என்றாள்.