ആ ചിരിയിൽ എല്ലാം ഉണ്ടായിരുന്നു

ആസിഫിനെ അടുത്തറിയുന്ന വർക്കു മാത്രമേ അദ്ദേഹം ആരാ ണെന്നോ, എന്താണെന്നോ മന സിലാക്കാൻ സാധിക്കൂ. എന്തു കാര്യമായാലും അദ്ദേഹം ഒരി ക്കലും മനസിലിട്ട് അതിനെക്കു റിച്ച് ആലോചിച്ച് വേദനിക്കാറില്ല. അത് പൊതുസമൂഹത്തിൽ ഒരു ചർച്ചാവിഷയമാക്കാനും അദ്ദേഹത്തിന് ഇഷ്ടമില്ല. സിനിമയുടെ ഏറ്റവും വലിയ പ്രൊഡക്റ്റാണ് ആസി ഫിന്റെ ലൈഫ് ജീവിതത്തിൽ ഒരു ദിവസം പോലും ബോറിങ്ങല്ലെന്നതാണ് ആസിഫിനെ വ്യത്യസ്തമാക്കുന്നത്. കലാകാരന്മാർ പല സ്വഭാവമുള്ള ആളുകളാണെന്നും അവരെല്ലാവരുമായി ഇടപെടുമ്പോൾ ഒരു രസമുണ്ടെന്നും ഒരിക്കൽ ആസിഫ് വെള്ളിനക്ഷത്രത്തിനു തന്ന അഭിമുഖത്തിൽ പറഞ്ഞിട്ടുണ്ട്.

- ബി. വി. അരുൺ കുമാർ

മലയാള സിനിമയിൽ ഒരു ഗോഡ്ഫാദറിന്റെയും സഹായമില്ലാതെ നായകനായി തിളങ്ങുന്ന താരമാണ് ആസിഫ് അലി. ഒരു ഗ്രൂപ്പിന്റെ ഭാഗമാകാതെ സ്വന്തം കഴിവിൽ തന്റേതായ സ്ഥാനം കെട്ടിപ്പടുക്കാൻ ആസിഫിന് സാധിച്ചിട്ടുണ്ട്. രമേഷ് നാരായണൻ തന്നെ അപമാനിച്ചു എന്ന് തിരിച്ചറിയുമ്പോഴും ആസിഫ് അലിയുടെ മുഖത്തെ ചിരി മാഞ്ഞിരുന്നില്ല. യാതൊരു തരത്തിലുള്ള ഭാവ വ്യത്യാസവും ഇല്ലാതെ, തന്നെക്കാൾ മുതിർന്നവർ ഇരിക്കുന്ന വേദിയെ ബഹുമാനിച്ചുകൊണ്ട് തന്നെ ആസിഫ് അലി പെരുമാറി. അതാണ്, അങ്ങനെയാണ് ആസിഫ് അലി.

എം ടി വാസുദേവൻ നായരുടെ ഒൻപത് കഥകളെ ആസ്പദമാക്കി ഒരുങ്ങുന്ന ആന്തോളജി ചിത്രം മനോരഥങ്ങളുടെ ട്രെയിലർ ലോഞ്ചിനിടെയാണ് ആസിഫ് അലിക്ക് ഇത്തരമൊരു അനുഭവം നേരിടേണ്ടി വന്നത്. സോഷ്യൽ മീഡിയ ഒന്നടങ്കം രമേശ് നാരായണന്റെ പ്രവർത്തിയെ കടുത്ത ഭാഷയിലാണ് പ്രതികരിച്ചത്.

രമേഷ് നാരായണന് പുരസ്കാരം നൽകാൻ ആസിഫ് അലിയെ ആണ് സംഘാടകർ നിയോഗിച്ചത്. എന്നാൽ ആസിഫിൽ നിന്നും പുരസ്കാരം സ്വീകരിക്കാൻ മടിച്ച രമേശ് നാരായണൻ, പകരം സംവിധായകൻ ജയരാജിനെ വേദിയിലേക്ക് വിളിച്ചുവരുത്തി ജയരാജിൽ നിന്നും പുരസ്കാരം ഏറ്റുവാങ്ങുകയായിരുന്നു. പുരസ്കാരം നൽകിയ വേളയിലോ, അതിനു ശേഷമോ രമേഷ് നാരായണൻ ആസിഫ് അലിയെ അഭിവാദ്യം ചെയ്യുകയോ സംസാരിക്കുകയോ ചെയ്യാതിരുന്നതും വിമർശനങ്ങൾക്ക് ആക്കം കൂട്ടി.

എന്നാൽ ആ വേദിയിൽ താൻ അപമാനിക്കപ്പെട്ടുവെന്ന് മനസിലാക്കിയിട്ടും ആസിഫ് അലിയുടെ മുഖത്തെ ആ ചിരി സിനിമാ ലോകത്തെന്നു മാത്രമല്ല മറ്റു പലരെയും ഇരുത്തി ചിന്തിപ്പിച്ചു. ആട്ടിയകറ്റിയ ഗർവിനോട് നീ ചിരിച്ച ചിരിയാണ് യഥാർഥ സംഗീതം എന്നായിരുന്നു താരസംഘടനയായ അമ്മയുടെ ജനറൽ സെക്രട്ടറി സിദ്ദിഖ് സോഷ്യൽ മീഡിയയിൽ കുറിച്ചത്.

ആസിഫിനെ അടുത്തറിയുന്നവർക്കു മാത്രമേ അദ്ദേഹം ആരാണെന്നോ, എന്താണെന്നോ മനസിലാക്കാൻ സാധിക്കൂ. എന്തു കാര്യമായാലും അദ്ദേഹം ഒരിക്കലും മനസിലിട്ട് അതിനെക്കുറിച്ച് ആലോചിച്ച് വേദനിക്കാറില്ല. അത് പൊതുസമൂഹത്തിൽ ഒരു ചർച്ചാവിഷയമാക്കാനും അദ്ദേഹത്തിന് ഇഷ്ടമില്ല.