എന്റെ ലക്ഷ്യം ഹോളിവുഡ്: രവിചന്ദ്രൻ

ഇരുപത്തിയെട്ട് വർഷമായി മലയാള സിനിമയിലെ നിറസാന്നിധ്യമാണ് രവിചന്ദ്രൻ. തൃശ്ശൂർ ജി ല്ലയിലെ കോലായിൽ എന്ന സ്ഥലത്ത് ജനിച്ച രവി ഒരിക്കലും കരുതിയിരുന്നില്ല താൻ എന്നെ ങ്കിലും സിനിമയ്ക്കുവേണ്ടി ക്യാമറ ചലിപ്പിക്കുമെന്ന്. ഒരു കാര്യം നമ്മൾ ആത്മാർത്ഥമായി ആഗ്രഹിച്ചാൽ ഈ ലോകം നമ്മുടെ കൂടെ നിൽക്കും എന്ന് പറയുന്നത് സത്യം ആണെന്ന് രവിയുടെ ജീവിതം നമുക്ക് കാട്ടിത്തരുന്നു. കുട്ടിക്കാലം മുതൽ മക്കളുടെ എന്ത് ആഗ്രഹവും സാധിച്ചു തന്നിരുന്ന കുടുംബം തന്നെയാണ് തന്റെ എല്ലാ ഉയർച്ചയ്ക്കും കാരണം എന്ന് രവി പറയുന്നു. 1996 മുതൽ വെള്ളിത്തിരയുടെ ഭാഗമായ രവി എന്ന അറിയപ്പെടുന്ന ഒരു ഛായാഗ്രഹകനാണ്. തന്റെ ഏറ്റവും പുതിയ ചിത്രമായ ഹാൽ "എന്ന സിനിമയുടെ ലൊക്കേഷനിൽ ഇരുന്നുകൊണ്ട് സിനിമാ വിശേഷങ്ങൾ പങ്കുവെക്കുകയാണ് രവിചന്ദ്രൻ.

- സുനിത സുനിൽ

ഏറ്റവും പുതിയ ചിത്രമായ ഹാൽ ' എന്ന സിനിമയെ കുറിച്ച്? ഷെയിൻ നീഗം നായകനായി പ്രശാന്ത് വിജയകുമാർ സംവിധാനം ചെയ്യുന്ന സിനിമയാണ് ഹാൽ. കോഴി ക്കോട്, മൈസൂർ, തുർക്കി എന്നീ സ്ഥലങ്ങളിലാണ് ഷൂട്ട് ഇപ്പൊ നടക്കുന്നത്. ഷെയ്ൻ ഇതു വരെ ചെയ്തതിൽ നിന്നും വ്യത്യസ്തമായ ഒരു സിനിമ ആയിരിക്കും ഇത്. മറ്റൊരു ക്യാമറമാൻ ചെയ്ത വർ ക്ക് പെട്ടെന്ന് ഒരു ദിവസം ഞാൻ ഏറ്റെടുക്കുകയാണ് ചെയ്തത്. ഞാൻ ലൊക്കേഷനിൽ എത്തി കഴിഞ്ഞ ഷൂട്ടിന്റെ ഫുട്ടേജ് കാണുവാണ്. അതിൽ ഒരു സീൻ കണ്ടു ഷെയിനോട് ഞാൻ പറഞ്ഞു " ഇത് റൈറ്റർ എന്നോട് പറഞ്ഞപ്പോൾ കിട്ടിയ ഒരു ഇമോഷൻ ഈ സീനിൽ കിട്ടിയിട്ടില്ല. അതൊന്ന് റീ ഷൂട്ട് ചെയ്താൽ നന്നായിരുന്നു . ഇത് കേട്ട് ഷെയിൻ എന്നെ വന്നു കെട്ടിപിടിച്ചു. എന്നിട്ട് പറഞ്ഞു നമുക്ക് അങ്ങനെ ചെയ്യാം ചേട്ടാ എന്ന്. പിറ്റേന്ന് മുതൽ ഷെയിൻ ലൊ ക്കേഷനിൽ എത്തുമ്പോൾ ആദ്യം ചെയ്യുക എന്നെ വന്നു കെട്ടിപിടിക്കുന്നതാണ്. ഓരോ സിനിമയും ഓ രോ അനുഭവങ്ങളാണ് സമ്മാനിക്കുന്നത്. സിനിമയും അത് നൽകുന്ന അനുഭവങ്ങളും ഓരോ പാഠമാണ്.

എങ്ങനെ ആയിരുന്നു കരിയറിന്റെ തുടക്കം?