കോഫിയും കോഴിയും

കാപ്പിത്തോട്ടത്തിൽ കോഴികൃഷിയുമായി കുടകിലെ കർഷകർ

കാപ്പിക്കുരുവിനു മികച്ച വില കിട്ടുന്നതിന്റെ സന്തോഷത്തിലാണു കർഷകർ. വർഷങ്ങൾ നീണ്ട വറുതിക്ക് ആശ്വാസം. എന്നാൽ, മികച്ച വില എത നാൾ എന്ന ആശങ്കയുമുണ്ട്. രാജ്യാന്തരക്കരാറുകളും കാലാവസ്ഥ മാറ്റവുമെല്ലാം കാരണം ഒരു വിളയ്ക്കും വില സ്ഥിരത ഇനി ഉറപ്പില്ലെന്നു കർഷകർ തന്നെ പറയുന്നു. ഹൈറേഞ്ചിൽ പലരും അധിക വരുമാനത്തിനായി കാപ്പി ത്തോട്ടത്തിൽ നാടൻ കോഴികളെ അഴിച്ചുവിട്ടു വളർത്തൽ തുടങ്ങിയത് ഈ സാഹചര്യത്തിലാണ്. കാപ്പി കൃഷിക്കു കേൾവികേട്ട കുടകിലെ മലയാളിക്കർഷകരിൽ പലരും ഈ കൂട്ട് വിജയകരമായി നടത്തുന്നു. കോഴി വളർത്തൽകൊണ്ട് കാപ്പിക്കു ഗുണങ്ങൾ പലതുണ്ട്. നാടൻ കോഴിമുട്ടയ്ക്കും നാടൻ കോഴിയിറച്ചിക്കും വിപണിയിൽ നല്ല പ്രിയവുമുണ്ട്.